Театр • 27 Қыркүйек, 2023
Театр ұжымына автобус табысталды
Биыл Бикен Римованың 100 жылдық мерейтойы екені белгілі. Актрисаның есімін арқалаған Талдықорған драма театры айтулы мерекеге қызу дайындалып жатыр. Соған орай шығармашылық ұжымға облыс әкімі Бейбіт Исабаев жаңа көліктің кілтін табыстап, алдағы «BIKEN» І Халықаралық театр фестиваліне сәттілік тіледі.
Аймақтар • 27 Қыркүйек, 2023
Жылыту маусымы: Дайындық жүйелі емес
Алдағы қыс жаңа өңір үшін екінші жылыту маусымы болмақ. Екібастұздағы жағдайды ескере отырып, облыстық бюджет есебінен жылумен жабдықтау көздеріне 1,4 млрд теңге бөлінген. Әйткенмен мердігер салғырттығы салдарынан һәм бөлінген қаржы тиісті жерге жетпегендіктен, ағымдағы жұмыстар әлі басталмаған. Ал далада қара күздің салқыны сезіліп тұр. Халықтың көңілі алаң.
Еңбек • 27 Қыркүйек, 2023
Кәсіп адам таңдамайды, еңбекке ынтаң болса, жетіп жатыр. Қарекет берекетке әкеледі. Ауылда жатып та әлемді аузына қаратқандар бар. Мәселен, Жетісуда дәрілік шөптерді өсіріп, сыртқа сатып отырған «Azia Gold» ЖШС кәсіпорнын бірі білсе, бірі білмейді. 30 жылдық тарихы бар өндіріс орнының иесі Алексей Коржиков шипалы шөптермен Еуропаға жол ашып отыр. Кәсіпкердің еңбегіне үңілсеңіз, ел іші ырысқа толы екеніне көз жеткізесіз.
Ғылым • 25 Қыркүйек, 2023
Өңірге іссапармен келген Ғылым және жоғары білім министрі Саясат Нұрбек І.Жансүгіров атындағы Жетісу университетінде жас ғалымдармен жүздесіп, оқу орнының жай-күйімен танысты. Сондай-ақ оқушылар мен менторларға арнайы дәріс оқып, білім сапасын арттырудың маңызын түсіндірді.
Шаруашылық • 24 Қыркүйек, 2023
Егін – елдің ырысы. Жетісу аграрлы өңір болған соң, әуелі осы салада сыналады. Мемлекет басшысы да облысқа сапарында жері құнарлы өлкенің ауыл шаруашылығындағы әлеуеті өте зор екенін айтқан еді. Әсіресе қант қызылшасын молырақ өсіруді тапсырған болатын. Сол мақсатта Қаратал ауданында «Конвизо Смарт жүйесі бойынша қант қызылшасын өсірудің озық технологиялары» тақырыбында Егінжай күні аталып өтті.
Шаруашылық • 21 Қыркүйек, 2023
Жетісу – аграрлы өңір дегенімізбен, ауыл шаруашылығынан бөлек басқа да бағытта ілгерілеп келеді. Мәселен, металлургиялық кешендерді жаңғыртып, қайта өңдеу саласында да біршама жаңалық бар. Біз бүгін өңірдегі осындай ақжолтай хабарларға тоқталмақ ниеттеміз.
Аймақтар • 19 Қыркүйек, 2023
Жетісуда республикалық экологиялық акция және санитарлық тазалық, көркейту-көгалдандыру іс-шарасы аясында облыстың барлық аумағында сенбілік ұйымдастырылды. Сенбілікке облыс бойынша 32 мыңға жуық адам қатысып, 883 шақырым автомобиль жолы, 383 шақырым арық желісі тазартылды. 352 арнайы техника тартылып, 1 802 тонна қоқыс шығарылды.
Мектеп • 19 Қыркүйек, 2023
Ауылдағы балалар жаңа оқу жылын біртіндеп заман талабына сай салынған нысанда қарсы алып жатыр. Мемлекет басшысы білім саласына ерекше көңіл бөліп отырғаны белгілі. Әсіресе елді мекендердегі оқушылардың білімін шыңдауды көздеп отыр.
Аймақтар • 15 Қыркүйек, 2023
Зауыттар қант қызылшасын қабылдауға кірісті
Әп, бәрекелді десек болатын шығар! «Көктен жаудыр, жерден өңдір» дегендей, биыл шаруалардың көңілі шат. 400 мың тоннаға жуық өнім жинауды мақсат тұтқан өңірдің күзгі науқаны қызып тұр. Зауыт алдында кезек күткен қант қызылшасын тиеген көліктер көңіл сүйіндіреді. Биыл Көксу мен Ақсу қант зауыттары қатар жұмыс істемек. Яғни өнім де мол болады деген үміт зор.
Әскер • 13 Қыркүйек, 2023
Отан алдында борышын өтеп жүрген сарбаздар ұлттың мәдени жауһарларымен жіті таныс болғаны жөн. Әсіресе Жетісу өңірінде елдің айнасына айналған рухани жәдігер жетерлік. Соның бірі – Мұхаметжан Тынышбаев атындағы облыстық тарихи-өлкетану музейі. Жақында Үштөбе гарнизонындағы 15603 әскери бөлімнің сарбаздары рухани шаңыраққа бас сұғып, тұңғыш теміржол инженерінің өмір дерегіне үңілді.
