Білім • 19 Тамыз, 2022
Жетісу мектептері жаңа оқу жылына дайын
Үкімет отырысында еліміздің биылғы 7 айдағы әлеуметтік-экономикалық даму қорытындылары мен республикалық бюджеттің атқарылуы, сол сияқты жаңа оқу жылына дайындық мәселелері пысықталған еді. Жиында өзге өңірлермен қатар Жетісу облысының әкімі Бейбіт Исабаев та жаңа оқу жылына өңір мектептерінің дайындығы жайында баяндады.
Аймақтар • 19 Тамыз, 2022
Жетісу өңірінде теңіз деңгейінен 1 425 метр биіктікте Жоңғар Алатауының етегінде табиғи таза бал өндіріледі. Мұнда Ескелді ауданындағы «ТеkТаu» ЖШС 300-дей араның ұясын ұстап, омарташылықпен айналысуда. Серіктестік жылына 100 тонна өнім өндіруге қауқарлы. Өзі өндіргенімен қатар олар балды жергілікті омарташылардан да сатып алады. Балдың сапасы мен тазалығы өздерінің арнайы зертханасында тексеруден өтеді. Өнімдерін отандық нарыққа, БАӘ мен Ресейге және Қытайға экспорттап отыр.
Өнер • 18 Тамыз, 2022
Бұл тек бас киім ғана емес, ұлт мәдениетінің ұйығы. Ежелден келе жатқан этнографиялық мүлік. Байырғы қазақ қызының жан дүниесіне ажар беріп, оған деген көзқарасты қалыптастырды. Дәстүр бойынша сәукеле тек ұзатылатын қыздарға ғана кигізіледі. Оны өзгемен айырбастауға болмайды.
Ахмет Байтұрсынұлы • 17 Тамыз, 2022
Ұлт ұстазы Ахмет Байтұрсынұлы жайлы өзі сүйген ұлттың сөзі айтылды. Бірақ сонда да аз секілді, қазақ үшін күрескен тауанды тұлғаның тереңіне кім бойлапты. Жақында Нұр-Сұлтан қаласының мемлекеттік архивінен қайраткердің құжаттарын көзіміз шалып қалды. Алаштың арманы үшін алып империямен алысқан қазақ баласының жүрек сөзі жазылған қолжазбалар ерен ерді еске түсіреді.
Медицина • 17 Тамыз, 2022
Жұқпалы індеттен абай болған абзал
Жаһандық індеттен бөлек, жіті ішек жұқпасы да меңдеп келеді. Жетісу облысының дәрігерлері тұрғындарды сақ болуға шақыруда. Өңір бойынша соңғы 7 айда жіті ішек жұқпасының 352 жағдайы тіркелген, оның ішінде 219-ы 14 жасқа дейінгі балаларда кездесті. Былтырмен салыстырғанда сырқаттанушылар саны 97,5 пайызға жоғарылаған, ал республикалық көрсеткіштен 1,5 есе төмен.
Аймақтар • 17 Тамыз, 2022
Алманың атасы: Жетісу сиверсінің жайы қандай?
Сиверс. Бұл – тіл үйірер жабайы жеміс һәм жер бетіндегі алма біткеннің бабасы. Иә, «бабасы» деп айдар тағуымыз бекер емес, бұл өзі динозавр дәуірінен келе жатқан шырынды зат. 165 млн жыл бұрын пайда болған. Оны 2002 жылы британдық биолог-генетик Бэрри Дженнифер анықтап берді.
Өнер • 16 Тамыз, 2022
Француз суретшісі Эжен Делакруа 1854 жылы «Мароккодағы арыстанды аулау» картинасын Шығыс Африкаға жасаған саяхаты туралы естеліктер негізінде жазған. Кескіндеме шеберге тән қалыпта құйылған. Арыстанмен арбасқан аңшылардың шайқасқа дайындық сахнасынан автордың қолтаңбасын тануға болады. Бұл Франция өнерінде әлі де үстемдік ететін классицизмді ұстанушылар арасында бар дағды. Құдды XIX ғасырды ұмыттырмау үшін осылай істеу қажет секілді.
Аймақтар • 15 Тамыз, 2022
Қант мәселесі әлі де елді әбігерге салуда. Базарға барсаңыз, базынасын айтқан халықтың айқайынан құлақ тұнады. Бүгінде мамандар қызылшамен қатар қамыстан да құмшекер алуға болатынын айтуда. Ол үшін заманауи техниканың әрі білікті мамандардың күші керек. Бұл игілікті істі Көксу қант зауыты күні бұрын қолға алған. Енді бұл қатарға Ақсу қант зауыты қосылмақ.
Қазақстан • 15 Тамыз, 2022
Мимырт тірліктің ми қайнатар ыстығында бал арасының тынымсыз тіршілігі тамсантады һәм көңіл тебірентеді. Тамсантатыны сол – адам атаулы қанша рет талпынса да қол жеткізе алмаған ізгілікті де әділетті, мәнді де мағыналы ғұмыр осы бір титімдей ғана тіршілік иесіне бұйырған. Ал көңіл тебірентетіні – қаншама қанат талдырып, аяқ шаршатып, мыңдаған гүлдің басынан тірнектеп жиған тәттісінен өзіне тиесілі несібесі шамалы: еңбек – онікі, қызығы – өзгенікі. Мұндай тірлік ғұламалардың көбіне тән болса, біз бұл сөзімізді қазақтың біртуар ері Нұрмолда Алдабергеновке қаратып айтар едік.
Қоғам • 15 Тамыз, 2022
Жетісу облысында жастармен, соның ішінде NEET санатындағы жастармен жұмыс жүргізудің стратегиясы дайындалды. Жалпы, NEET тобындағы 15-28 жас аралығындағы жастар 6,2 пайызды құрап отыр. Бұл стратегия өскелең ұрпақтың баспанаға қол жеткізу мен жұмыссыздық сияқты әлеуметтік мәселелерін шешуге бағытталған.
