Қазақстан • 27 Қыркүйек, 2022
Енді қазақстандық автокөліктердің нөмірлік белгілерінде арнайы QR-код болуға тиіс. Сол арқылы нөмірлік белгінің жалған-шыны тексеріледі. Бұл туралы Қазақстан стандарттау және метрология институты хабарлады.
Қаржы • 27 Қыркүйек, 2022
Жылжымайтын мүлік және жер учаскелерінің меншік иелерінің 2021 жылға есептелген мүлік салығын төлеу мерзімі 2022 жылдың 1 қазанында аяқталады. Жалпы, осы уақытқа дейін 1,7 млн меншік иесі салық міндеттемесін әлі орындамаған.
Экономика • 27 Қыркүйек, 2022
Мұнай мен теңге бағамындағы тәуекелдер
Өңірлерде өндіріс ошағы бұрқ-сарқ қайнап, сайраған логистика дайын өнімдерді экспорттап үлгере алмай, бизнес мемлекеттің бір мүйісін демеп тұрар ел болғанымызда, бәлкім, мұнай бағасына аса алаңдай қоймас па едік. Бірақ көрген-баққанымыз – осы «қара алтын», сондықтан оның жаһан нарығындағы құбылуы тап бір жүрегімізді ауыртпаса да, кеуде тұсымызды ептеп сыздатып өтері белгілі. Тағы бір айта кетерлігі, мақалада тек мұнай туралы емес, мұнай және оған қатысты туындайтын тізбекті проблемалар туралы да сөз болады.
Экономика • 26 Қыркүйек, 2022
Жыл басынан бері Қазақстан мен АҚШ арасындағы тауар айналымының көлемі 1,5 млрд долларды құрады. Бұл – 2021 жылдың қаңтар-шілде айлары аралығымен салыстырғанда 36,6 пайызға (былтыр 1,1 млрд доллар болған еді) жоғары көрсеткіш.
Қаржы • 26 Қыркүйек, 2022
Кешіктірілген несие қарызы қомақты
Займ сапасына қарап банктің деңгейін тануға болады. Әрине, банктер тек займ берумен айналыспайды. Олар депозит жинайды. Қор нарығына шығады. Басқа да түрлі банк өнімдерін ұсынумен айналысады. Бірақ айналып келгенде бәрібір тек кредит берумен ғана өз табысын еселейді, соған сәйкес өзінің нарықтағы орнын айқындай түседі. 2022 жылдың 1 тамызындағы жағдай бойынша екінші деңгейлі банктердің жиынтық қарыз портфеліндегі кешіктірілген төлем көлемі 1,53 трлн теңгеге жеткен. Бұл 2021 жылдың көрсеткішінен 19,9 пайызға артық.
Экономика • 16 Қыркүйек, 2022
Биыл тамыз айында су жаңа автомобильдерді сатып алу көрсеткіші біраз жоғарылады. Нақтырақ айтқанда, 2021 жылдың тамыз айымен салыстырғанда 25,4 пайызға өскен. Азаматтар әсіресе Cobalt пен Nexia-ны көп сатып алған.
Қаржы • 15 Қыркүйек, 2022
Алма бақты да сақтандыруға болады
Елімізде сақтандырудың жаңа бағдарламалары басталып, оның аясында алма бақтарын сақтандыру қолға алынбақ. Мамандардың айтуынша, агросақтандырудың жаңа бағдарламалары бау-бақша шаруашылығындағы қауіпті азайтады. 2021-2025 жылдарға арналған Қазақстан Республикасының агроөнеркәсіптік кешенін дамыту жөніндегі Ұлттық жобасы шеңберіндегі негізгі міндеттердің бірі – отандық өндірістің негізгі азық-түлік тауарларымен, оның ішінде алма өндірумен қамтамасыз ету.
Қаржы • 15 Қыркүйек, 2022
Инфляция 18 пайызға жетуі мүмкін
Биыл елімізде инфляция деңгейі бұрын-соңды болмаған көрсеткішке дейін жоғарылап, 16,1 пайызға жетті. Бұл ретте базалық пайыздық мөлшерлеме деңгейі – 14,5 пайыз. Осылайша, инфляция базалық ставкадан да жоғарылап кетті. Сарапшылардың айтуынша, инфляция мұнымен де тоқтамайды. Нарықтағы қысымды арттырып тұрған осы бір көрсеткіш жыл соңына қарай 18 пайызға жетуі мүмкін. Неліктен олай болады, нарықтағы негізгі үдерістер қалай өзгереді, сарапшылар түсіндіріп берді.
Қаржы • 15 Қыркүйек, 2022
«Сбербанк» нағыз берекеге айналса игі
Батыс санкциясына ұшырап, қызмет ету мүмкіндігі айтарлықтай тежеліп қалған «Сбербанк Қазақстан» еншілес банкін «Бәйтерек» холдингі сатып алды және банкке басқа атау берілді. Қаржы институты бұдан былай «Береке банк» деп аталады. Ал бұған дейін «Альфа-Банк» атанған қаржы ұйымына бірнеше ай бұрын Eco Center Bank атауы берілген еді. Аталған қаржы институты да «Банк ЦентрКредитке» біржола жұтылды.
Қаржы • 14 Қыркүйек, 2022
Экономикаға кредит беру мәселесін кеңесті
Таяуда Қаржы нарығын реттеу және дамыту агенттігі экономикаға кредит беру мәселелері бойынша жұмыс кеңесін өткізді. Кеңес барысында экономиканың нақты секторына кредит беруді кеңейту бойынша ұсыныстар талқыланды.
