Саясат • 20 Сәуір, 2024
Қарым-қатынастың алтын арқауы – еншісі бөлінбеген бауырластық
Кеше Мемлекет басшысы Қазақстанға ресми сапармен келген Қырғыз Республикасының Президентін Ақордада салтанатты жағдайда қарсы алды. Келіссөз алдында Қасым-Жомарт Тоқаев пен Садыр Жапаров бір-біріне ресми делегация мүшелерін таныстырды. Құрмет қарауылының бастығы мемлекеттер басшыларына рапорт беріп, екі елдің әнұраны шырқалды.
Қоғам • 16 Сәуір, 2024
Жаңа норма жасырын қылмысқа жол бермейді
Тұрмыстық зорлық-зомбылық туралы құжат қоғам тарапынан қызу пікірталас туғызып, заң шығарушы органның алдынан да бірнеше рет өтті. Кеше Мемлекет басшысы Қасым-Жомарт Тоқаев елде ең көп талқыланған заңға қол қойды. Өйткені әйел құқығы аяққа тапталып, бала қауіпсіздігі бас қайғыға айналған қоғамда қылмысты бұдан әрі қылмыссыздандыруға болмайтыны анық байқалып отыр. Заңға сәйкес әйелдер мен балаларға қатысты кез келген сипаттағы зорлық-зомбылыққа жауапкершілік қатаңдатылып, отбасы институтын, кәмелетке толмағандардың қауіпсіздігін нығайтатын жаңа нормалар енгізілді.
Зерде • 11 Сәуір, 2024
Асланбек ҚАНСАРБАЕВ: Тарих – ұрпақты тәрбиелейтін дәйекті құрал
Ұрпақтың білім көкжиегін кеңейтіп, таным-түйсігін қалыптастыруда, ұлттық құндылықты дәріптеу мен тарихымызды танытуда әлеуметтік желінің де алар орны зор. Бізде «әлеуметтік желіде хайп қуғандар жиі отырады» деген түсінік қалыптасқан. Бірақ шындығын айту керек, мұндағы қалың жұрттың арасында халқымыздың өткеніне, ғылым мен білімге қызығатын оқырман көп. Мәселен, тарихшы Асланбек Қансарбаевтың Youtube арнасына жазылған 200 мыңға жуық жазылушы тың деректі талқылап, ұсыныс-пікірін білдіруден жалыққан емес. Жақында «АК-79» деген атаумен белгілі арна авторымен сұхбаттасудың сәті түскен еді.
Университет • 10 Сәуір, 2024
Тұрар Рысқұлов есімін университетке қайтару – көптің қалауы
Қазіргі жоғары мектеп – ғылым-білім мен отаншылдықтың ошағы. Бізде қалыптасқан дәстүрге сәйкес, ұлттық және өңірлік университеттердің әрбірі тарихымыздағы ірі тұлғалардың есімін алған. Сондай оқу орындарының бірі Т.Рысқұлов атындағы ұлттық экономика универсиеті еді. «Еді» дегенді амалсыз айтып отырмыз. Ел тәуелсіздігіне еңбек сіңірген Шерхан Мұртаза, Әбіш Кекілбаев, Камал Смайылов сынды зиялылардың, Молдияр Серікбаев секілді қоғам және ғылым өкілдерінің бастамасымен 2000 жылы бұрынғы Халық шаруашылығы институты (Нархоз) Ұлттық экономикалық университетке айналып, оған көрнекті тарихи тұлға Тұрар Рысқұловтың есімі берілген. Көп кешікпей оқу ғимараты алдынан қайраткердің ескерткіші бой көтерді. 2013 жылға дейін осы атпен әлемге танылды. Жылда экономикалық Т.Рысқұлов форумы (оқулары) өтіп тұрды... Бұдан кейін бұл оқу орны жекеменшікке өтіп, Тәуелсіздік мұратымен келген бастаманың бәрі тас-талқан болды. Бас ғимарат алдындағы ескерткіш те жасырын алынып тасталды. Ең сорақысы, бейдауа нарық «акулалары» жекшелендірген оқу орны кеңестік экономика атауын («Нархоз») таңдап, университет сайтындағы тарихынан Т.Рысқұловқа қатысты деректің бәрін жойды. Мұны қазақша – қасиетсіздік, орысша – «кощунство», ағылшынша «blasphemy» демей тұра алмаймыз. Біз осы материалды жазу барысында «Egemen Qazaqstan» газетінің қалыптасуы мен дамуына еңбек сіңірген Т.Рысқұловтың (басқарған уақыты – 1926 жыл), Шерхан Мұртазаның (1989-1992), Әбіш Кекілбаевтың (1992-1993) аруағы алдындағы парызымызды да қаперге алдық.
Үкімет • 04 Сәуір, 2024
Жылу энергетикасын реттейтін құжат
Кеше Мәжіліс спикері Ерлан Қошановтың төрағалығымен палатаның жалпы отырысында сегіз құжат қаралды. Оның ішінде мемлекеттiк наградалар, жылу энергетикасы мен мемлекеттік сатып алу мәселесіне қатысты заң жобалары бар. Сондай-ақ «Қазақстан Республикасы мен Вьетнам Социалистік Республикасы арасындағы сотталған адамдарды беру туралы шартты ратификациялау туралы», Әкімшілік құқық бұзушылық туралы кодекске енгізілетін өзгерістер мен толықтырулар талқыға салынып, сатып алу және заңнамалық актілерді нормалардың артық (шамадан тыс) заңнамалық регламенттелуі тұрғысынан ревизиялау туралы құжат бірінші оқылымда қаралды.
Қоғам • 04 Сәуір, 2024
Осы күні өзгенің қайғысын өз пайдасына айналдырған алаяқтар мен сауаптан сыбаға дәметіп, жомарт жандардың арқасында қалтасын қалыңдатып жатқандардың саны артты. Жетім мен жесірдің көз жасын сүртіп, кембағалдардың қажеттілігіне қарайласу – қайырлы іс.
Қоғам • 22 Наурыз, 2024
Түркі әлемі: кешеден – келешекке
«Төртеу түгел болса, төбедегі келеді» деген мақал тамыры бір, тарихы ортақ түркі жұртының ауызбірлігіне қарата айтылғандай әсер қалдырады. Жыл санап ықпалы мен беделі артып жатқан бауырлас халықтардың басын қосқан ұйымдарға халықаралық қауымдастық та қызығушылық танытып отыр.
Үкімет • 14 Наурыз, 2024
Құқықтық мәселелер талқыға түсті
Мәжіліс төрағасы Ерлан Қошановтың төрағалығымен палатаның жалпы отырысы өтіп, күн тәртібінде бірнеше заң жобасы талқыланды. Оның ішінде әкімшілік әділет саласын жетілдіру және кеңейту, Қылмыстық, Қылмыстық-процестік және Қылмыстық-атқару кодекстерін оңтайландыру мен жаңартылатын энергия көздерін пайдалануды қолдау мәселелеріне қатысты заң жобалары бар. Сондай-ақ палата отырысында еліміздің оңтүстік аумақтарындағы суару маусымына дайындық барысы қаралды. Бұдан кейін депутаттар тиісті мекемелерге кезек күттірмей шешілуге тиіс түйткілдерді жіпке тізіп, сауалдарын жолдады.
Қоғам • 13 Наурыз, 2024
Украин халқының ұлы перзенті, ақын, ғалым әрі суретші Тарас Шевченко өз елінің ғана емес, қазақ мәдениеті мен әдебиетінде де есімі ерекше аталатын тұлға ретінде тарихта қалды. Небәрі 47 жасында өмірден озған ақын әлем әдебиетінің алтын қорына мол туындыларын қалдырып, адамзат руханиятының дамуына өлшеусіз үлес қосты.
Қоғам • 13 Наурыз, 2024
Былтыр жол-көлік оқиғаларында 2,5 мыңнан астам адам қаза тауып, 20 мыңға жуық адам жарақат алған. Сондықтан жол қауіпсіздігі Ішкі істер министрлігінің күн тәртібінен түскен емес. Қазір министрлік тарапынан алаңдатарлық мәселеге қатысты бірқатар шара қолға алынып, жолдағы құқық бұзушылықтарды болдырмау, сондай-ақ жол апатының алдын алу бойынша жұмыс белсенді жүргізіліп жатыр.
