Әдебиет • 06 Қыркүйек, 2022
Қазақ поэзиясына «өртке тиген дауылдай» соны леп, жаңа дауыс әкелген көрнекті ақын Қасым Аманжолов көркем аударма саласында да өнімді еңбек етіп, айрықша қолтаңбасын қалдырған. Тіпті әдебиетімізде кенжелеп қалған осы жанрдың дамуына зор үлес қосты деуге болады. Талантты суреткердің Батыс пен Шығыс позиясын жетік білгендігі сондай, ол солардың ішінен өз жүрегіне жақын ақындарды таңдап, солардың шығармаларын аударған секілді. Әсіресе Д.Байрон, А.Пушкин, М.Лермонтов, Т.Шевченко, В.Маяковский А.Твардовский, Низами секілді айтулы ақындардың тәржімалаған туындыларын көркем аударманың үздік үлгілері деп айта аламыз.
Қоғам • 06 Қыркүйек, 2022
Сарытүбектен Ыстанбұлға дейін...
Ұлт ұстазы Ахмет Байтұрсынұлының туған күні – 5 қыркүйекте танымал велошабандоз, журналист Ернат Мелсұлы Ахаң туған Торғай жеріндегі Сарытүбектен Ыстанбұлға белесебетпен жолға шықты. Бұл халықаралық велошеруді ол ұлы тұлғаның ЮНЕСКО көлеміндегі 150 жылдық мерейтойына арнап отыр.
Руханият • 05 Қыркүйек, 2022
Кезінде республикаға ғана емес, алыс-жақын шет мемлекеттерге дейін танылып, ұлт өнерін асқақтатып, ел мерейін өсірген айтулы өнер ұжымының бірі – 1974 жылы бұрынғы Торғай облысы филармониясы жанынан құрылған «Шертер» фольклорлық-этнографиялық ансамблі. Оның құрылуына сол жылдары жаңадан ашылған облыста партия комитетінің үшінші хатшысы болып жауапты қызмет атқарған халқымыздың ардақты азаматы, көрнекті мемлекет және қоғам қайраткері Өзбекәлі Жәнібеков тікелей қолдау көрсетті.
Елорда • 04 Қыркүйек, 2022
Елордада Конституция күніне орай атақты күйші Құрманғазы бабамыздың ескерткіші жанында кейінгі жылдары игі дәстүрге айналған IV Күй жәрмеңкесі өтіп, онда елімізге танымал дәулескер домбырашылардан бастап, жас күйшілерге дейін өнер көрсетті. Мазмұнды іс-шараны өткізуге Нұр-Сұлтан қалалық Мәдениет басқармасы мен Есіл ауданының әкімдігі және «Күй анасы» республикалық қоғамдық қоры ұйытқы болды.
Руханият • 02 Қыркүйек, 2022
Елордадағы Ұлттық академиялық кітапханада қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы, қайраткер, қысқасы, жалпақ қазақ бірауыз сөзбен ұлт ұстазы деп дәріптейтін Ахмет Байтұрсынұлының 150 жылдығына орай «Ахмет Байтұрсынұлы және ұлт руханияты» атты халықаралық ғылыми-тәжірибелік конференция өтті.
Әдебиет • 01 Қыркүйек, 2022
«Әдебиетті – ардың ісі» деген бағалаған бірегей жазушының бірі Төлен Әбдікұлы ағамыздың өткен ғасырдың жетпісінші жылдары жазылғанымен әлі күнге дейін өзектілігі мен маңызын жоймаған «Қонақтар» деген тамаша әңгімесі бар. Бұл шығармада автор сол кезеңдегі кейбір ағайындардың өз тамырынан ғана емес, тілі мен дінінен, салт-дәстүрінен жерініп, ажырап бара жатқан болмысын астармен көркем бейнелеген.
Өнер • 26 Тамыз, 2022
Қазақстанның халық суретшісі, алғашқы кәсіби қылқалам шеберлерінің бірі Молдахмет Кенбаев шығармашылығын көзі қарақты қауым жақсы біледі. Әсіресе суретшінің есімі «Қашағанды қуу» атты ғажап картинасы арқылы өте таныс. Оның бірқатар еңбегі Мәскеудегі Третьяков галереясы мен Шығыс халықтарының өнері мемлекеттік музейінде сақталған. Ал біз бүгін сөз ететін туынды – «Киіз басу» деп аталады. Мұны суретші 1958 жылы салған.
Өнер • 26 Тамыз, 2022
Халықаралық байқауда бақ сынайды
Алдағы 5-11 қыркүйек аралығында Astana Opera халықаралық опера академиясының тыңдаушылары Дінмұхамед Көшкінбаев пен Гүлдана Алдадосова Венгрияда өтетін Ева Мартонның V халықаралық вокалистер байқауына қатысады. Олар әлемнің 29 елінен келген 70-ке жуық жас опера орындаушыларымен бірге сынға түседі.
Әдебиет • 25 Тамыз, 2022
Қазақ әңгімесі дегенде алдымен ойымызға шағын жанрдың шебері Бейімбет атамыз келеді. Иа, кәдімгі Бейімбет Майлин! Обалы нешік, Биағаңның оймақтай әңгімелерін оқығанда өткен ғасырдың басындағы оқиғаларды теледидардан көргендей әсерде боламыз. Сондай кезде әп дегеннен оқырманды жетелеп, еріксіз езу жиғызып, кейде жаныңызды мұңайтып, кейде қуантып отыратын ғажайып бейнелердің галереясын жасаған жазушының шеберлігіне таңдай қағасыз. Оның шығармаларында басы артық деталь, көлденең сөз, артық бояу жоқ. Бір деммен құйыла салған секілді. Белгілі қаламгер Жолтай Әлмашұлының әңгімелері де Биағаңның туындыларымен үндесіп тұрады. Жазушы философиялық терең ой айтамын деп күшену, сөзбен сурет саламын деп көпсөзділікке ұрыну, кейіпкерлерді асыра әсірелеу секілді қасиеттерден ада. Қайта, шығарманы қолмен қойғандай дәлдікпен, ұтымды детальмен, айшықты әзілмен әрлеп отырады.
Руханият • 23 Тамыз, 2022
Өткен мен бүгінді сабақтастырған...
Елордадағы Ұлттық музейде «Дәстүр мен уақыт» атты қазақ халқының сәндік-қолданбалы өнер туындыларына арналған көрме өтті.
