Руханият • 13 Желтоқсан, 2019
Сібірдің сыңғыр үні – елорда көрермендерін тәнті етті
Қыраулы қыс мезгілімен бірге елордаға Сібірдің сыңғыр үні де қатар жетті. Д.Хворостовский атындағы Красноярск мемлекеттік опера және балет театры Қазақстанға жасаған алғашқы гастрольдік сапарын «Астана Опера» театры төрінде абыроймен өткізді. Шығармашылық ұжымның тамаша тартуы – А.Бородиннің «Князь Игорь» операсы мен А.Глазуновтың «Раймонда» балетін астаналық көрермен зор қошеметпен қарсы алды.
Руханият • 09 Желтоқсан, 2019
Астана кеші бүгін тіпті ерекше құлпырып кеткендей. Көше бойына қаздай тізіле бой түзген самаладай жарқыраған түнгі қала шамдары да шаһар көркіне көрік үстеп, айрықша сыршылдық сыйлап тұр. Арқаның аязына қарамастан, шоқ-шоқ гүлін қолтықтай «Астана Опера» театрына қарай ағылған жұрттың қарасында шек жоқ. Иә, бүгін айтулы күн, тарихи сәт. Опера сахнасының аңызға айналған тұлғасы, Социалистік Еңбек Ері, КСРО Халық әртісі, КСРО Мемлекеттік сыйлығының лауреаты Бибігүл Төлегенова 90 жылдық мерейтойын атап өтеді мұнда.
Руханият • 06 Желтоқсан, 2019
Ілия ЖАҚАНОВ: Эстрада – батыстың музыкалық экспансиясы
Атырау жаққа жол түссе, амандаспай кетпейтін бір шаңырақ бар. Ол – әйгілі композитор, өнер зерттеушісі Ілия Жақановтың үйі. Жарты сағаттық әңгімесі жарты ғұмырыңа татитын тағылыммен өрнектелер өрелі жан бұл жолы да бізді жадырай қарсы алды. Өмірлік музасына айналған «Меңді қыз» – Тиыш апайға айтып, дастарқанын жайнатып қойған ақсақал алыстан келген қонағына төрімен бірге, тұшымды әңгімесін де қатар дайындап отыр екен. Өзімсіне еркелей, композитордың жарығы мол түсетін кең терезелі балконының ішін тұтас ала жасақталған шығармашылық шеберханасын бетке алдық. Бөлме ортасын көлденең кесе орналасқан кенепке түскен Орал тауларының әсем пейзажы бірден назарымызды өзіне бұрды. Суретке үңіле бергеніміз сол еді, ақсақал: «Картинаны жақыннан емес, алыстан қарау ләзім. Сонда сұлулығы толық ашылады», деді. Ақылға құлақ астық. Расымен де, ғажап әлем! Бейнебір тұмса табиғаттың ортасына еніп кеткендей, сарайымыз ашылып, көкірегімізді кере дем алдық. Әдемі әсерімізді аға әйбат әңгімесімен жалғап әкетті.
Руханият • 28 Қараша, 2019
Күллі Еуропа құрлығын елең еткізген Ержанның ерек үні күні кеше тағы да жаһан назарын өзіне бұрғызды. Балалардың әлемдегі ең үздік ән байқауы – «Junior Eurovision song contest-2019» жобасында 2-орын тұғырынан көрінген талантты жастың жеңісі – мұқым қазақ елінің мерейі, мақтанышы екені даусыз.
Театр • 27 Қараша, 2019
Сәкеннің соңғы сапарын сахналады
«Өз ұлын, өз ерлерін ескермесе, ел тегі қайдан алсын кемеңгерді?!» деп жырлаған қара өлеңнің Құлагері – Ілияс Жансүгіровтің осы бір ұлы сөзін ұран еткен қазақ елі жыл басынан бері мерейтойы аталып өтіп жатқан қайраткерлер мұрасын кеңінен насихаттап, Алаш арыстары рухына тағзым етіп келеді. Бейімбет Майлин, Ілияс Жансүгіров, Сәкен Сейфуллин, Тұрар Рысқұлов, Сұлтанбек Қожанов сынды тұлғалар туған киелі топырақтан басталған тағылымды шаралар легі олар туып-өскен облыс шекарасынан шығып, тұтас ұлт деңгейінде тойланып жатқанына да біраз болды. Оның бір айғағы – бас шаһарға гастрольдік сапармен келген Қарағанды облыстық С.Сейфуллин атындағы драма театрының «Сәкеннің соңғы сапары» қойылымы елордалық көрермендерге тамаша тарту болғаны сөзсіз.
100 • 21 Қараша, 2019
Елорда ендігінен өзіне тиесілі еншісін алып, еркін жайлаған «Егемен Қазақстанның» еңселі ғимараты сырттай тыныштық құшағына сүңгіп, қаладағы көп құрылыстың біріндей өзінің қимылсыз қалпын бұзбағанымен, ішіндегі буырқанған тіршілік тасқыны шын мәніндегі шығармашылық жұмыстың жайбарақат жүзеге аспайтындығын айқын аңғартып тұрғандай. Күн сайын ояу жүректі оқырманын ойлы мақалаларымен қуантпақ ниетте жұмылған жұдырықтай жабыла еңбектенген әр қызметкердің өз жауапкершілігі бар.
Руханият • 12 Қараша, 2019
Назарбаев Университет студенттері бірыңғай жаратылыстану бағытында білім алатындықтарына қарамастан, ән мен күй, жалпы дәстүрлі өнерге де барынша бейім екендіктерін көрсетіп, көрерменіне тамаша тарту жасады. Өткен жұмада Назарбаев Университеттің Ballroom Right залында өткен қазақтың ұлы ақыны, жазушы, драматург, қоғам қайраткері Ілияс Жансүгіровтің 125 жылдық мерейтойына арналған «Ақын және оның музасы» атты әдеби-театрландырылған кеште жарқырай көрінген талантты жастар өнері соған дәлел.
Руханият • 04 Қараша, 2019
Қазақ топырағы талантқа кенде емес. Ал есімі елден асып, шартарапты шарлап кеткен шын мәніндегі құбылыс, біртуарлар сирек. Дара даусымен жер-дүниені дүр сілкінткен сондай санаулы таланттың бірі Ерік Құрманғалиев еді.
Кино • 31 Қазан, 2019
Әділ Ахметов: Ағылшын көрермені қазақ өнерін жоғары бағалайды деп сенеміз
Соңғы жылдары қазақ киносына деген әлем жұртшылығының қызығушылығы артып келеді. Кезіндегі «Қыз Жібек», «Атаманның ақыры», «Менің атым Қожа» туындыларынан кейінгі таңғалу мен тамсану сезімдерін, Ш.Айманов, С.Қожықов, А.Қарсақбаевтар салған тағылымды соқпақты бүгінгі «Қазақфильм» киностудиясы түсірген жаңа жобалар лайықты деңгейде жалғап, жаңғырта алса, қанекей?! Бұл қазақ киносының Лондондағы апталығы алдындағы ой болатын. Ұлттық кино өнерімізді Батыстың талғампаз көрермені талқысына ұсынуға аттанып бара жатқан бір топ өнер майталманына ақ жол тілеп тұрып та, осы бір толқынысты сезім шырмауынан шыға алмағанбыз. Уақыттың тым тығыздығына қарамастан орайын келтіріп, жауапты сапар алдында режиссер Ақан Сатаевтың «Анаға апарар жол» картинасында басты рөлді сомдаған талантты актер, Қазақстанның еңбек сіңірген қайраткері, Мемлекеттік сыйлықтың лауреаты Әділ Ахметовпен аз-кем сұхбаттасып та үлгердік.
Театр • 30 Қазан, 2019
Музыка мүйісі «Астана Операда» түйіседі
Әйгілі италиялық музыка маманы, белгілі аспапшы Марио Стефано Пьетродарки бандонеонының сиқырлы да тылсым үні жаһан тыңдармандарына кеңінен мәшһүр. Есімі әлемді мойындатқан айтулы аккордеоншы 30 қазанда танымал қазақстандық музыканттармен бірге «Астана Опера» театры сахнасында өтетін «Музыкалық қиылыс: бәрімізді тоғыстырған әуен» концертінде өнер көрсетеді.
