Тұлға • 15 Қазан, 2023
Қазақтың жаңа дәуірдегі ұлы күйшілерінің бірі, Тәттімбет мектебінің озық өкілі Әбікен Хасеновтің өмір сүрген кезеңі «зар заман» емес, нағыз «кер заман» болды. Көзі тірісінде қолына домбыра ұстағанның алды саналған дара күйшінің өмірі де, шығармашылық тағдыры да әлі күнге дейін сыры ашылмаған сандықтай құпиясы көп. Әбікен туралы кімдер қалам тербемеді? Ахмет Жұбанов, Латиф Хамиди, Уәли Бекенов, Сәбит Мұқанов, Сапарғали Бегалин, Тәкен Әлімқұлов, Жүсіп Алтайбаев, Ақселеу Сейдімбек, Өмір Кәріп, Кәмел Жүністегі... Рас, күйтанымға, ғылымға берері ересен осынау құнды еңбектердің бәрінде оның асқақ тұлғасы, шалқар сазгерлігі, азаматтық мінезі жақсы суреттеледі.
Өнер • 15 Қазан, 2023
Зайсанда туып, Баянауылда түлеген, Ақкөл Жайылмадан айтыс аламанына ат қосып, қазақ айтысының «Солақай серісі», «Керекудің Исасы» атанған айтыскер ақын Серік Құсанбаев 60 жасқа толды. Өнер иесінің құрметіне Павлодарда «Ақиқаттың ақбозын алшаңдатқан» атты шығармашылық кеш өтті.
Өнер • 15 Қазан, 2023
Ауылдан ұзамай-ақ салған әні алты қырдан асқан, шерткен күйі шебер шығатын небір дарын өнерді өлтірмей, өрістетіп отыр. Әйтпесе Құдай берген талантымен танылып кететіндей қауқар жоқ емес оларда. Ақтоғайда тұратын тоқсанға толып қалған Күлмара Рахымбекқызы – көненің көзі, шебер күйшінің өзі. Атақты Аққыз күйшінің төл шәкірті. Құдай қуат берген. Алтын құрсағынан тараған ұл-қыз бір рулы елге айналғалы тұр.
Сұхбат • 15 Қазан, 2023
Бақыт Сарбалаұлы: Қоғам әдеби сынды қажетсінуі керек
Кейінгі жылдары әдеби сынның дамуы кенжелеп қалған секілді. Өйткені жаңа шығармалар туып жатқанымен, солардың көркемдігі, шынайылығы, жаңалығы туралы тереңнен толғап, әділ бағасын беретін әдеби сын аз жазылады. Шындығын айтқанда, кәсіби сыншылардың өзі саусақпен санарлық қана. Солардың бірі, айтулы сыншы, бірнеше кітаптың авторы Бақыт Сарбалаұлы. Сын сардарымен кездесіп, осы тақырыпта әңгімелестік.
Руханият • 15 Қазан, 2023
Әдебиеттанудың қаһарманына тағзым
Әдебиеттануда елеулі мектеп қалыптастырған біртуар ғалым, белгілі ұстаз Бейсембай Кенжебайұлы – ұлт руханиятының биік тұғырынан орын алатын тұлға. Ұлт мұратын өмірлік ұстанымы етіп, қазақтың әдебиеттану ғылымына қиын кезеңде қасқайып қызмет еткен профессордың ғылым кеңістігіндегі орны уақытпен бірге биіктеп, асқақ тартып келеді. Аяулы ғалым тәрбиелеген шәкірттерінің өнерге адалдығы, артында қалған байтақ мұрасының өміршеңдігі, өнегелі өмір жолын баяндаған естеліктер мен еңбектердің жарыққа шығып, оған деген құрметті оята түсуі күрескер ғалым есімінің ешқашан көмескі тартпайтынын көрсетсе керек. Күні кеше Алматы тұрғындары көрнекті ғалым атын ардақтаудың тағы бір жарқын көрінісіне куә болды. Ғалымның өзі 25 жыл тұрған М.Төлебаев көшесіндегі №154 үйдің қабырғасына тағзым-тақта орнатылды.
