«Егемен Қазақстан» газетінің басшысы Дархан Қыдырәлі Әзірбайжан Ұлттық Ғылым Академиясы Низами атындағы Тіл және әдебиет институтының Құрметті докторы атанды.
Салтанатты рәсім бүгін Бакуде өткен І Түркология конгресінің 90 жылдығына арналған жиында болды. Құрметті доктор дипломын тапсырған Низами институтының директоры Иса Габиббейлі қазақ ғалымына түркі дүниесіндегі рухани байланыстарды дамыту жолындағы еңбегі үшін алғыс айтып, шығармашылық табыс тіледі. Осы жылдың сәуір айында бұл атақ қазақ ақыны әрі қоғам қайраткері Олжас Сүлейменовке берілген болатын.