Жаңа Зеландиядағы Оамару қаласында пингвиндер үшін жер асты жолы салынды. Олар күн сайын таңертең мұхитқа барып, кешке қарай ұяларына қайта оралады. Жер асты жолы пингвиндердің автомобиль доңғалақтарының астына түсу қаупін азайтып отыр. Сондай-ақ, арам ойлы туристердің де құрығынан құтылуға септігі тиюде, деп жазады lenta.ru.
Австралия мен Жаңа Зеландияны мекен ететін кіші пингвиндер құстың бұл түрінің ең бойы аласалары болып есептеледі. Денелерінің ұзындығы 30-40 сантиметрден аспайды.