УЕФА Кубогының шағын футболдан 2016/17 маусымының «төрттік финалы» Алматыда өтеді.
«Комитет мүшелері қазақстандық «Қайраттың» өтінішін қабыл алды. 2017 жылдың сәуір айының соңында «төрттік финал» Алматыда өтеді», – деді Ресей мини-футбол қауымдастығының басшысы, УЕФА футзал және жағажай футбол комитетінің мүшесі Эмиль Алиев.
Айта кетейік, 27 қараша күні аталған турнирдің элиталық кезеңі аяқталып, жартылай финалда өнер көрсететін 4 команда анықталды. Ақтық ойындарда «Қайрат», испаниялық «Интер», лиссабондық «Спортинг» және ресейлік «Газпром-Югра» өнер көрсетеді.