Желаяқ марафоншы Дулат Иманқажы Қытайдың астанасына велосипедпен аттанды.
Қазақ елін әлемдік қоғамдастық алдында көрсету, Қазақстан-Қытай арасындағы халықаралық ынтымақтастықты арттыру және ЭКСПО-2017 халықаралық көрмесін насихаттап, жас ұрпақ бойына патриоттық сезім ұялатуды мақсат еткен марафон Астанадағы Л.Н.Гумилев атындағы Еуразия ұлттық университетінің алаңынан бастау алды. Марафоншы Астанадан Бейжіңге дейінгі 6200 шақырым жолды велосипедпен жүріп өтпек. Ол Астана – Новомарковка – Ерейментау – Шідерті – Төртқұдық – Ақсу – Қызылқоғам – Канонерка – Семей – Шар – Қалбатау – Көкпекті – Ақмектеп – Зайсан арқылы Майқапшағай кеден бекетінен өтіп, Жеменей – Үрімжі –Шаньшиді басып, Қытайдың астанасы Бейжіңге жетуді көздейді.