Маңғыстаулық ауыр салмақтағы палуан Нұрдәулет Жарылғапов «Қазақстан барысы» турнирінен соң Павлодарға аттанған болатын.
Еліміздің әр аймағынан жиылған 50-ден астам ауырсалмақтағы палуандар арасынан суырылып шыққан Нұрдәулет Бас бәйге – автокөлікті қанжығасына байлады. Ол өз жеңісін Елордамыз – Астана қаласы күніне және Ақтау қаласының құрметіне арнайтындығын жеткізді.
5 жекпе-жекте жеңіске жеткен Н.Жарылғапов ақтық сында өткен жылғы чемпион, қызылордалық Нұрым Сәлімгереевпен кездесті.
Гүлайым Шынтемірқызы,
"Егемен Қазақстан"
Маңғыстау облысы