Сейсенбі, 17 қаңтар 2012 7:45
ҚАЗАҚСТАН: САУАЛДАМА БОЙЫНША «НҰР ОТАН» 81 ПАЙЫЗ ДАУЫСҚА ИЕ БОЛДЫEuronews. Бүкіл Қазақстан бойынша сайлаушылар белсенділігі рекордтық биікке көтерілген кезде тек елдегі ірі мегаполис Астана мен Алматыдағы дауыс берушілер үлесі төмен деңгейде болды. Алдын ала мәлім болғанындай бұл жолы сайлау қорытындысында екінші орынға көтерілген партия 7 пайыздық кедергіні өтпестен-ақ Парламенттің төменгі палатасына ене алатын болады.
Сейсенбі, 17 қаңтар 2012 7:45
ҚАЗАҚСТАН: САУАЛДАМА БОЙЫНША «НҰР ОТАН» 81 ПАЙЫЗ ДАУЫСҚА ИЕ БОЛДЫEuronews. Бүкіл Қазақстан бойынша сайлаушылар белсенділігі рекордтық биікке көтерілген кезде тек елдегі ірі мегаполис Астана мен Алматыдағы дауыс берушілер үлесі төмен деңгейде болды. Алдын ала мәлім болғанындай бұл жолы сайлау қорытындысында екінші орынға көтерілген партия 7 пайыздық кедергіні өтпестен-ақ Парламенттің төменгі палатасына ене алатын болады.
Мерзімінен жеті ай бұрын өтіп жатқан дауыс беру кезінде осыған дейінгі Қазақстандағы бірде-бір сайлауды демократиялық деп танып көрмеген ЕҚЫҰ байқаушылары жұмыс істеді. Ол қандай қорытынды шығаратыны әзірге белгісіз. Сайлау учаскелері жабылды. Бірінші орынға кім ие болады деген сұрақ саясаттанушылардың алдында тұрған жоқ. Мәселе, мәреге кім екінші болып және қандай көрсеткішпен жетеді дейтін сұраққа тірелетіндей. Бұған ресми жауап көп кешікпей жарияланатын болады. Ал әлеуметтік сауалдама нәтижелері бойынша «Нұр Отан» 81 пайыз дауысқа ие болған. Онымен бірге сайлаушылар дауысының 7,3 пайызын алған «Ақ жол» және Коммунистік партия Парламентке енеді деген деректер бар.
ҚАЗАҚСТАНДА ПАРЛАМЕНТКЕ ҮШ ПАРТИЯ ӨТЕДІРИА «Новости». Қазақстан Парламентінің төменгі палатасын сайлау ресми түрде аяқталғаны мәлімделді. Алдын ала нәтижелер 16 қаңтарда түстен кейін жарияланатынына қарамастан, қазірдің өзінде байқаушылар сайлаушыларға жүргізілген сауалдама нәтижесіне сәйкес кейбір цифрларды атап та үлгерді.Қазақстан Орталық сайлау комиссиясының төрағасы Қуандық Тұрғанқұлов сайлауға сайлаушылардың 75,7 пайызы қатысқандығын мәлімдеді. Ал сайлаудың ресми қорытындысы 22 қаңтарға дейін шығарылып, 25 қаңтар күні жарияланбақ. Дегенмен, Қуандық Тұрғанқұлов соған қарамастан жаңа Парламент өз қызметіне ертерек кірісу үшін қорытындыны жариялауды жеделдетуге уәде берді.Сайлау кезінде жүргізілген сауалдама нәтижесінде президенттік «Нұр Отан» партиясының 81 пайыз дауысқа ие болғандығы белгілі болды. Сондай-ақ «Ақ жол» партиясы мен Коммунистік халықтық партиясының әрқайсысы 7,3 пайыз дауыс алып, Парламентке өтуге мүмкіндігі болғандығы «Демократия институты» ғылыми-зерттеу ассоциациясы жүргізген сауалдама қорытындысында әйгіленіп те үлгерді. Ал «Стратегия» әлеуметтік және саяси зерттеулер орталығы мамандарының жүргізілген сауалдамасы бойынша «Нұр Отан» 81,3-80,5 пайыз дауысқа, «Ақ жол» 7,2-7,9 пайызға, Коммунистік партия 7,1-7,3 пайыз аралығындағы дауысқа ие болса, елдегі оппозициялық күштердің бірлескен партиясы – ЖСДП дауыстардың небәрі 1,5 пайызын ғана ала алған.«Өзінің жариялылығы, ашықтығы, тазалық жөнінен бұл жолғы сайлау ерекше болды. Қазақстан бүкіл әлем алдында өзінің демократиялық мемлекетке қарай қарышты қадам басып келе жатқандығын тағы бір дәлелдеді», деді бұл жайында ел Президенті Нұрсұлтан Назарбаев өзінің сайлаудан кейінгі сөзінде.
ҚАЗАҚСТАНДАҒЫ ПАРЛАМЕНТ САЙЛАУЫ РЕКОРДТЫ КӨРСЕТКІШ КӨРСЕТТІЭхо Москвы. Сайлаушылардың сайлауға қатысу жөнінен Қазақстандағы Парламент сайлауы өте жоғары деңгейде болды. Егер осыдан бес жыл бұрын өткен сайлауға сайлаушылардың 65 пайызы қатысса, бұл жолғы көрсеткіш 70 пайыздан асып түсті. Ел тұрғындары Парламенттің төменгі палатасының депутаттарын сайлады. Республиканың Бас прокуратурасына дауыс беру тәртібіне сәйкес 18 өтініш пен шағым келіп түскен екен. Аталған қадағалау органы бұл арыз-шағымдар тексеріліп, оларда сайлау заңдылығын бұзатындай фактілердің анықталмағандығын мәлімдеді.
БАЙҚАУШЫЛАР ҚАЗАҚСТАНДАҒЫ САЙЛАУ АШЫҚ ӨТТІ ДЕП ЕСЕПТЕЙДІМосковский комсомолец. Қазақстандағы Мәжіліс (Парламенттің төменгі палатасы) сайлауы тыныш жағдайда ашық өтті, деп атап көрсетті халықаралық байқаушылар.«Адамдар дауыс беріп жатыр, біздің байқаушылар сайлаудың тыныш жағдайда өтіп отырғандығын хабарлады», деді Ресей Федерациясы Мемлекеттік думасындағы «Единая Россия» фракциясы басшысының бірінші орынбасары, ТМД бойынша байқаушылар делегациясының мүшесі Владимир Пехтин жексенбі күні өткізген брифингте.Ал Литваның бұрынғы премьер-министрі, «Литва халықтық партиясының» төрайымы Казимира Дануте Прунскене өз кезегінде сайлаушылардың дауыс беруге мейлінше мол және белсенділікпен қатысқандығын атап көрсетті.Грекиядағы Афина мэрінің орынбасары Тэодорос Харалампедистің айтуынша, Парламент сайлауы ашық жағдайда өтіп отыр.
ЕҚЫҰ БАЙҚАУШЫЛАРЫ ӨЗ ЕСЕПТЕРІН ЖУЫҚТАҒЫ КҮНДЕРІ ЖАРИЯЛАЙДЫИзвестия. ЕҚЫҰ байқаушылар тобының миссиясы Қазақстандағы Парламент сайлауы туралы өздерінің екінші аралық баяндамасын жуықтағы күндердің бірінде жариялайды деп хабарлады республикадағы осы топтың басшысы Миклош Харашти Қазақстанның Сыртқы істер министрі Ержан Қазыхановпен кездесуінен кейін. Хараштидің айтуынша, есепте БАҚ жұмысына талдау жасалынып, сайлау кампаниясының барысы мен Орталық сайлау комиссиясының жұмысына баға берілетін болады.ЕҚЫҰ сайлау жөніндегі миссиясы Қазақстандағы өз жұмысын 2012 жылдың 27 қаңтарында аяқтауды жоспарлап отыр. Қазіргі күні оның құрамында ЕҚЫҰ-дан 56 байқаушы бар. Сондай-ақ сайлауға дейін бір апта бұрын Қазақстанға осы құрылымның 220 қысқа мерзімдік байқаушылары келіп жұмыс істепті.Өзінің бүкіл жұмыс кезеңі бойынша миссия 4 есеп әзірлеуі тиіс. Біріншісі, аралық баяндама сайлауға дейінгі 2-3 апта уақытты қамтыса, екінші аралық баяндама сайлау қарсаңындағы мәселелерді қамтымақ. Ал сайлау қорытындысы туралы алдын ала есеп сайлаудан кейінгі күні шығарылады. Төртінші, қорытынды есеп сайлаудан кейінгі 2-3 айда әзір болады.Қазақстандық сыртқы саясат ведомствосының басшысы Ержан Қазыханов өз кезегінде ЕҚЫҰ миссиясының Қазақстанда сайлау барысы жөнінде жедел жұмыс істей алғандығын атап көрсеткен. Бұл, оның айтуынша, ЕҚЫҰ аталған институтының кәсіптік шеберлігін тағы бір дәлелдеп отыр.«ЕҚЫҰ бюросы осыған дейін ұсынған ұсыныстардың 60 пайыздан астамы Қазақстанның сайлау туралы заңдылықтарына енгізілді. Қазақстан сайлау заңдылықтарын жетілдіруге бағытталған жұмыстарды халықаралық стандартқа сәйкес тәжірибе мен ЕҚЫҰ міндеттемесін қолдана отырып одан әрі жалғастыруда», деп атап көрсетті Е.Қазыханов.
ҚАЗАҚСТАНДАҒЫ САЙЛАУҒА САЙЛАУШЫЛАРДЫҢ 75 ПАЙЫЗДАН АСТАМЫ ҚАТЫСТЫГлавные новости Украины. Қазақстандағы Парламент Мәжілісі (төменгі палата) мен барлық деңгейдегі мәслихаттар (жергілікті өкілетті билік органдары) депутаттарының сайлауында сайлаушылардың 75,07 пайызы дауыс берді, деп хабарлады Орталық сайлау комиссиясының төрағасы Қуандық Тұрғанқұлов.«Қазіргі уақытта дауыс беру аяқталды. Оған сайлаушылар қатысушылығы 75,07 пайызды құрады», деді ол жексенбі күні Астанада өткен сайлау қорытындысы туралы брифингте.«9 миллион 300 мың сайлаушыдан сайлау учаскелеріне 6 миллион 980 мың адам келді», деп мәлімдеді ол.ОСК мәліметтері бойынша елдің шетелдегі өкілдіктерінде орналасқан 56 сайлау учаскесінің көрсеткіштері әлі есепке алынған жоқ. Ал елдің ішінде сайлаушылардың сайлауға қатысу жөнінен 92,6 пайыз көрсеткішке қол жеткізген Алматы облысы топ бастап отыр. Ең төменгі көрсеткіш Алматы қаласының үлесінде. Мұнда сайлаушылардың 41,4 пайызы сайлауға қатысқан.Ел астанасында сайлауға қатысу көрсеткіші 53,3 пайызды құраса, бұл көрсеткіш Ақмола облысында – 78 пайыз, Ақтөбе облысында – 78,4 пайыз, Атырау облысында – 83,6 пайыз, Шығыс Қазақстанда – 80,2 пайыз, Жамбыл облысында – 80,8 пайыз, Батыс Қазақстанда – 71,9 пайыз, Қарағанды облысында – 75,2 пайыз, Қостанайда – 84,8 пайыз, Қызылордада – 81 пайыз, Маңғыстауда – 74,2 пайыз, Павлодар облысында – 71 пайыз, Солтүстік Қазақстанда – 80,7 пайыз, Оңтүстік Қазақстанда 78,8 пайыз болды.
ҚАЗАҚСТАН ПАРЛАМЕНТІНЕ БІРІНШІ РЕТ ҮШ ПАРТИЯ ӨТТІВВС. Күткендегідей Қазақстан Парламентіне президенттік «Нұр Отан» партиясы, «Ақ жол» демократиялық партиясы және Қазақстанның Коммунистік партиясы өтті. Бұл жолы Астанаға бір партиялық парламентті ел бейнесінен бас тартудың сәті түсті. Сөйтіп, осы билік жүйесінде белгілі бір мөлшерде оппозиция пайда болды.Қазақстан Парламенті төменгі палатасының (Мәжіліс) кезектен тыс сайлауы өткен жексенбі күні болды. ОСК мәліметтері бойынша сайлаушылардың қатысушылығы 75,07 пайызды құрады. Парламентке өту үшін партияларға кем дегенде сайлаушылардың 7 пайызының даусын жинау қажет. Қорытындысында президенттік «Нұр Отан» партиясы үшін олардың 80,74 пайызы дауыс бергені алдын ала сауалдама арқылы белгілі болды. Ал Коммунистік партия 7,2 пайыз, «Ақ жол» партиясы 7,46 пайыз дауысқа ие болған. Қалған партиялар дауыстардың бір пайызына да ие бола алмай, Парламентке өте алмай қалды.Ел Президенті Нұрсұлтан Назарбаев төменгі палатадағы 107 халық қалаулысының 53-ін құраған депутаттар тобының өтініші бойынша Парламент Мәжілісін таратып, оның кезектен тыс сайлауын белгілеген болатын. Осы аралықта өткен жылдың соңына таман болып өткен Жаңаөзен кентіндегі қақтығысқа қарамастан сайлау тыныш жағдайда өтті.ТМД елдерінен тағайындалған халықаралық байқаушылардың пікірі бойынша Қазақстан Парламентінің төменгі палатасын сайлау ашық жағдайда заңға сәйкес жүргізілді. Осы топтағы сарапшы Мәскеу мемлекеттік университеті тарих факультеті деканының орынбасары Алексей Власов былай дейді:– Қазақстан Парламентіне бірден әртүрлі көзқарастағы үш партияның өтуі мына жағдайды білдіреді: билік оппозициялық партияларға, соның ішінде коммунистер мен либералдарға сайлауалды науқан жүргізудің мүмкіндігін берді. Олар бұл мүмкіндікті сәтті пайдалана алды. Оның үстіне қоғам да «Ақ жол» партиясы білдіретін оңшыл идеяларға ықыластың артып келе жатқандығы сезіліп отыр. Сөйтіп, Парламентте оппозиция пайда болды. Бірақ бұл елдің саяси жүйесіне терең бір өзгеріс енгізбейтін болар деп ойлаймын.
АРИЭЛЬ КОЭН: ҚАЗАҚСТАНДАҒЫ САЙЛАУ ЕУРОПАЛЫҚ ДЕҢГЕЙДЕ ҰЙЫМДАСТЫРЫЛДЫКомсомольская правда. Жекелеген кейбір кемшіліктеріне қарамастан, Қазақстандағы осы жолғы сайлау көп партиялық Парламент болашағын бекітіп берді, деп есептейді Ресей, Еуразия проблемалары жөніндегі «Наследие» қорының жетекші сарапшысы Ариэль Коэн.«Ұйымдастырудағы қателіктер өте сирек болды. Олар көбінесе техникалық кемшіліктер. Сондықтан бұл кемшіліктер сайлау үдерісін тиімді жүргізуге бәлеңдей әсер ете алған жоқ. Ал көп жағдайда сайлау кәсіпқой шеберлікпен жоғары еуропалық деңгейде ұйымдастырылды», деп мәлімдеді ол Қазақстанда халықаралық байқаушы мәртебесіндегі қызметі кезінде.Оның айтуынша, Қазақстан осының алдында өткен сайлаулардағы секілді сайлау барысын бақылауға жергілікті және халықаралық байқаушылардың келуіне қолдау білдірді. «Байқаушылар аталған үдерістің ашық және бейтарап жүргізілуіне үлкен ықпал ете алады», деді ол.«Осының алдында өткен сайлаулардан кейін Қазақстандағы билік ЕҚЫҰ және шетелдік үкіметтермен сайлау үдерісін мейлінше стандартқа сәйкестендіру бағытында жұмыстар жүргізіпті. Енді Қазақстан үкіметі халықаралық стандартқа жауап бере алатын шараларды жүзеге асыру бағытында қосымша қадамдар жасайды» деп күтемін деп мәлімдеді Коэн.
ТҮРКПА МИССИЯСЫ ҚАЗАҚСТАНДАҒЫ САЙЛАУ ТУРАЛЫ ҚОРЫТЫНДЫСЫН ЖАРИЯ ЕТТІРосБалт. Түркі елдері Парламенттік ассамблеясы (ТүркПА) Қазақстандағы Парламент сайлауы нәтижелері туралы түбегейлі қорытындысын жария етті. Бұл туралы осы ұйымның баспасөз қызметі хабарлады.ТүркПА байқаушылары Қазақстандағы сайлау ашық жағдайда, демократиялық түрде әділетті әрі ел мен елдің заңдылықтары мен халықаралық құқықтық нормаларға сәйкес өткендігін атап көрсетті.Бұл миссия құрамына Әзербайжан мен Түркия парламенттерінің, сондай-ақ ТүркПА халықаралық секретариатының өкілдері кірген.«Елдегі сайлау қарсаңында сөз бостандығы мен БАҚ-ты қорғау жөнінде шаралар қамтамасыз етілді. БАҚ қызметінің еркін болуы үшін барлық мүмкіндіктер тудырылды. Сайлау кезінде сайлау штабтары, кандидаттар мен ерікті байқаушылар жұмысына ешқандай бір қысым көрсетілген жоқ», деп мәлімдеді олар.ТүркПА байқаушылар миссиясы қатысқан Алматы қаласындағы Алмалы және Бостандық аудандарындағы сайлау учаскелерінде сайлау комиссияларының, байқаушылардың жұмысына әкімшілік немесе құқық қорғау органдарының ешқандай бір араласуы тіркелмеген. ТүркПА байқаушылары осы жағдайды атап көрсетті.Әзірлеген Сұңғат ӘЛІПБАЙ.