Аталған серіктестіктің басшысы Әділбек Таңқиев: «Осындай шаралар арқылы электронды билетті қолданудың артықшылықтарын көрсетуді ойладық. Бұл қанатқақты жоба қоғамдық көліктің экономикалық тиімділігін жоғарылатады және көрсетілетін қызметтердің сапасын қадағалауға мүмкіндік береді», - дейді.
«SmartQala» картасының иелері ұтыс ойынына қызығушылықпен қатысты. Тұрмыстық техникалармен қатар төлем картасын толтыруға арналған сертификаттар ұтысқа шығарылды. Ал бас жүлде – Египет еліне жолдаманы қала тұрғыны Шынаргүл Смадиярова жеңіп алды.
Тұрғындарға мерекелік көңіл-күй сыйлаған шараға жергілікті өнерпаздармен бірге белгілі әнші Алтынай Жорабаева қатысты.
Аймақта смарт-картаның құны – 300 теңге. Облыс орталығындағы Авангард, Нұрсая, Балықшы ықшамаудандарына қатынайтын автобустар электронды билеттендіру жүйесіне енгізілген. Қала басшылығы болашақта бұл қатарды тағы да толықтырмақ ниетте.
АТЫРАУ