Сенбі, 11 ақпан 2012 8:32
Елбасы Нұрсұлтан Назарбаевтың биылғы Қазақстан халқына арнаған Жолдауы жастар жүрегіне жол тапты. Жолдау және Жолдау жарияланғаннан кейін іле өткізілген Үкіметтің кеңейтілген отырысында Мемлекет басшысының сөйлеген сөзі бізді ерекше толғандырды. Мәселен, Елбасы Үкімет отырысында сөйлеген сөзінде «Қалдықтарды өңдеп кәдеге жарату, қалдықтарды бөлектеп жинау жүйесін енгізу мәселесі де аса маңызды. Шетелдерде олардан метан өндіріп, оны әртүрлі қажеттіліктерге пайдаланады. Біз де осылай жұмыс істеп үйренуіміз керек. Елімізде осы уақытқа дейін жинақталып қалған өнеркәсіптік және тұрмыстық қалдықтар әрбір тұрғынға шаққанда 1,4 мың тоннадан айналады екен.
Сенбі, 11 ақпан 2012 8:32
Елбасы Нұрсұлтан Назарбаевтың биылғы Қазақстан халқына арнаған Жолдауы жастар жүрегіне жол тапты. Жолдау және Жолдау жарияланғаннан кейін іле өткізілген Үкіметтің кеңейтілген отырысында Мемлекет басшысының сөйлеген сөзі бізді ерекше толғандырды. Мәселен, Елбасы Үкімет отырысында сөйлеген сөзінде «Қалдықтарды өңдеп кәдеге жарату, қалдықтарды бөлектеп жинау жүйесін енгізу мәселесі де аса маңызды. Шетелдерде олардан метан өндіріп, оны әртүрлі қажеттіліктерге пайдаланады. Біз де осылай жұмыс істеп үйренуіміз керек. Елімізде осы уақытқа дейін жинақталып қалған өнеркәсіптік және тұрмыстық қалдықтар әрбір тұрғынға шаққанда 1,4 мың тоннадан айналады екен. Бұл мәселені шешу қажет», деп атап көрсетті.
Иә, бабаларымыз «ақ білектің күшімен, көк найзаның ұшымен қорғап» өткен қазақ жерін кейінгі ұрпағына күл-қоқыспен толтырсын деген оймен қалдырған жоқ. Өткен жылы қазан айында «Егемен Қазақстан» газетінде жарық көрген журналист Жылқыбай Жағыпарұлының «Қазақ даласы күл-қоқыс қоймасы емес» атты мақаласы және оған үн қосқан Халықаралық бизнес академиясы студенттерінің «Шетелдік қоқыспен отандық қоқысты өңдей аламыз ба?» атты («Егемен Қазақстан» 9.11.2011) жанайқайы көпшілік оқырмандардың назарын осы мәселеге аудартқан еді.Бүкіл дүние жүзінде қатты тұрмыстық қалдықтарын (ҚТҚ) әртүрлі әдістермен қайта өңдейді. Осылардың қазіргі күнде ең көп қолданылатын әдісі – ол полигонда қайта көму әдісі. Ал екінші әдіс – қоқыстарды сұрыптау зауыттары. Тағы бір әдіс – бұл ҚТҚ-ны жағып, одан электр мен жылу энергиясын алу және пайдалану. Бұл әдіс көптеген дамыған шетел мемлекеттерінде, мысалы, АҚШ, Жапония және басқа Еуропа елдерінде қолданылады.Еуразия ұлттық университетінің профессоры, техника ғылымдарының докторы Т.Ермековтің басшылығымен тұрмыстық және өндіріс қалдықтарын қайта өңдеудің жаңа технологиясы бойынша жиырмадан астам инновациялық патенттер алынды. Бұл әдістің тағы бір ерекшелігі ЕҰУ-дің ғалымдары ұсынып отырған жаңа инновациялық технологияны пайдалану арқылы қалалардағы қоқыстарды көму полигондарын толық қысқартуға қол жеткізілуі.Келешек ұрпаққа арналған жаңа зауыт арқылы қазақ даласын күл-қоқыстар мен қалдықтардан тазартуға болады. Парламент және мәслихат депутаттары осы көкейкесті мәселеге жоғары деңгейде қараса екен. Біз жастар сіздерге сенеміз, өйткені қазақ даласының болашақ тағдыры сіздердің қолдауларыңызға байланысты. Келешек ұрпақтың жаңа зауыты қоршаған ортаны сақтауға және зиянды заттардың ауаға, суға, жерге қосылмауына мүмкіндік жасайды. Қазақстанның 50 мыңнан астам тұрғындар тұратын қалаларында ҚТҚ көму полигондары бар және Алматы мен Астанада ҚТҚ сұрыптау зауыттары салынуда. Осы полигондарды және зауыттарды жаңа инновациялық технологиялар зауытына ауыстыру арқылы мемлекеттік бюджеттің миллиондаған теңге қаржысын үнемдеуге болады. Біздің университеттің ғалымдары ұсынып отырған жаңа технология зауыты болашақ үшін өте керек. Қазақ жері, оның байлығы, тазалығы біздер үшін аса қымбат. Егер, осы айтылған мәселелерге Парламент, Қоршаған ортаны қорғау министрлігі, қалалардың әкімдері мен коммуналдық қызмет мамандары, табиғатты қорғау ұжымдары, өндіріс және қатты тұрмыстық қалдықтармен айналысатын ұжымдар көңіл бөлсе, нұр үстіне нұр болмақ. Қазақ даласын күл-қоқыстан тазарту қазақ жерінде тұратын әрбір адам үшін өте маңызды деп есептейміз.Меруерт ЖАМАЛИЕВА, Айдана АРПАБЕК, Л.Н.Гумилев атындағы ЕҰУ-дің жаратылыстану ғылымдары факультетінің 3-курс студенттері.