Алматыда 708 тұрғын үй бұзылып, орнына 683 жаңа үй салынбақшы. Бұл туралы «Қазақстан қалаларындағы тұрғын үй» атты дөңгелек үстелде айтылды, деп хабарлайды Egemen.kz.
Алайда тұрғындар мен азаматтық белсенділер үдерістің әділ өтетініне, барлық отбасылар жаңа пәтерлерге ие болатынына және қала өзінің тарихи келбетін жоғалтпайтындығына сенбейді.
Сарапшылар мен белсенділер Алматыда өткен дөңгелек үстелде осы жағдайды шешуге тырысты. Талқылауды TALAP қолданбалы зерттеулер орталығы, QazUrban қала құрылысы қауымдастығы және Фридрих Эберт атындағы Қазақстан қоры ұйымдастырды.
Жыл сайын пайдалануға берілген миллиондаған шаршы метрге қарамастан, бүкіл Қазақстан бойынша тұрғын үй жетіспейді. Сонымен бірге тұрғындардың көпшілігінде тұрғын үй сатып алуға қаражат жоқ, ал қолданыстағы тұрғын үй қоры мен инфрақұрылымының негізі Кеңес Одағы кезінде салынған.
Белсенді Салтанат Ташимованың пікірінше мұндай даму қаланың желдетілуін төмендетеді және Алматыдағы экологиялық апаттың негізгі факторына айналады.
«Мемлекет тек әзірлеушілердің мүдделеріне қызмет етеді, ал тұрғындардың пікірлері еленбейді», дейді Тәшімова.
Басқа спикерлер де заңнамалық өзгерістердің қажеттілігі туралы айтты. Осылайша, «Отбасы Банкі» АҚ басқарма төрағасы, Алматы қаласы мәслихатының депутаты Ләззат Ибрагимова тұрғын үймен қамтамасыз етудің патерналистік принципін бейтараптандыру мақсатында заңнамаға өзгерістер енгізу бойынша ұсыныстар дайындалып жатқанын айтты.
Ләззат Ибрагимованың айтқан мәліметтеріне сәйкес, Қазақстандағы баспана тапшылығы 155 мың пәтерді құрайды. Бұл кезде 548 мың адам тегін баспана кезегінде тұр. Баспананың жетіспеушілігі туудың жоғары деңгейіне (тек 2020 жылы 427 мың қазақстандық дүниеге келді) және көші-қонға байланысты. Орташа тұрғын үймен қамтамасыз ету 22,6 шаршы метрді құрайды. БҰҰ стандарттарына сәйкес, бұл көрсеткіш кем дегенде 30 шаршы метрді құрауы керек.
Өткен жылы Қазақстанда 307 884 сатып алу-сату мәмілелері тіркелді, оның 30% ипотекамен, 70% - тікелей сатып алынды.
Ләззат Ибрагимова мұндай жоғары көрсеткіштерді жалақының өсуімен және зейнетақы жинақтарын пайдалану мүмкіндігімен түсіндірді.