«Қазгидромет» РМК алдағы демалыс күндеріне арналған ауа райы болжамын жариялады, деп хабарлайды Egemen.kz.
«Демалыс күндері Қазақстанда ауа райы жауын-шашынды болады деп болжанып отыр. Солтүстік-Батыс циклон еліміздің аумағы арқылы өз қозғалысын жалғастырады. Батыстан шығысқа қарай тез жылжып, республиканың барлық облыстарында жауын-шашын күтіледі.
Ауа температурасы көтеріле бастаса да, екпінді жел орын алып, еліміздің солтүстік жартысында бұрқасын болады», делінген «Қазгидромет» хабарламасында.