Жаңа көзқарас, жаңашыл шешім

Жақында Астанда “Шығармашылық билет” қоғамдық бірлестігі сарапшылар кеңесінің үшінші отырысы өтті. “Нұр Медиа” ЖШС бас директоры Қайсар Жанахановтың төрағалығымен өткен кеңестің жиынында еліміздегі денсаулық сақтау және дене тәрбиесі мен спорттың болашағы туралы мәселелер талқыланды. Отырыстағы пікір алмасуды аша отырып, “Шығар­ма­шы­лық билеттің” президенті Жарқынбек Әлімбетов ден­саулық сақтауға тоқталып, оны қай ведомствоға тапсыру керектігін анықтап алуға шақырды. Оның ай­туын­ша, қазір медицина, әсіресе ақы­лы және сақ­тан­дыру­шы меди­цина, халық­тың денсаулығының ны­ғая түс­кеніне мүдделі емес. Осылай бар­лық жерде, барлық уақытта бол­ған. Сонымен бірге біз емдеу, бақы­­лау, қадағалау, ал­дын алу, дене тәр­бие­сі, кәсіпқой спорт, туризмнің ара жі­гін аша алмай отыр­мыз. Қазір әр нәр­сеге жеке талап қою үшін сани­тар­лық қадаға­лауды өз алдына бөліп шы­ғар­атын, дене тәрбиесі мен ден­сау­лық сақтауды агенттікке тап­сыра­тын, меди­цина, туризм мен кәсіпқой спортты жеке жіберетін кез келді. Сонда ғана олардан нәтиже күтуге болады. Аталмыш бірлестік басшы­сының бұл ойы оты­рысқа қатысу­шылар тарапынан қолдауға ие болды. Кеңес төрағасы Қайсар Жана­ханов әр нәр­сені бірігіп істеу керектігін, мәселен бұ­қаралық спорт­ты дамыту үшін министрлік әкімдермен бірігіп, ша­ра­ларды анық­тауды айтып, сөз кезе­гін Қы­зылорда облыстық ту­ризм, дене тәрбиесі және спорт басқарма­сы басты­ғы­ның орынбасары Бағдат Қаленовке ұсынып, оның қо­лына шығармашылық билет ұстатты. Өз кезегінде ол облыста бұқаралық спорт­ты дамыту үшін “Алтын бел­беу” сияқты Президент жүлдесі үшін қазақ күресі­нен жарыс­тардың өткізіліп келе жатқанын, оның ірік­теу ойындары әуелі ауылдан баста­лып, аудандық, одан кейін облыстық жарысқа ұласа­тынын, соны же­ңіп алған чем­пион атана­тынын айтты. Содан кейін об­лыс чемпионы атан­ған балуан Астана мен Алматы, ше­­тел балуан­дарымен “Қазақтың бас балуаны” ата­ғын, “Алтын бел­беуді” және Президент қо­лынан “ал­тын тайтұяқты” алу абы­ройына ие болатынын атап өтті. Отырыста Б.Қаленовтің сөзін Дү­­ние­жүзілік қазақ күресі қауым­даст­ығының президенті, Астана­дағы Қажымұқан Мұңайтпасұлы атын­дағы спорттағы дарынды балаларға арналған республикалық мектеп-интернаттың директоры Серік Тө­кеев жалғастырды. Ол қазақ күресі­нің қазіргі жағдайы мен оны дамы­ту­да істелініп жатқан жұмыстарды айтты. Келесі кезекте сөз алған жазу­шы-драматург Ра­қым­жан Отарбай саламатты өмір салты мен денсау­лық сақтау қоршаған ортаны қор­ғаумен тығыз байла­нысты екеніне назар аудартты. Осыған байланыс­ты кеңес төрағасы Ден­саулық сақтау және дене тәр­бие­сін дамыту жөніндегі қоғамдық қор құру керек­тігін айтты. Кеңес мү­ше­лері Журна­листер одағының Ас­та­на қаласы бөлім­шесінің жетек­шісі Мағжан Садыхан, белгілі қаламгер Несіп Жүніс­байұлы, “Ка­захстан­ская правда” рес­публика­лық га­зеті” АҚ прези­денті Влади­мир Та­ра­ков, Туризм және спорт ми­нистрлігі Спорт істері жөнін­дегі комитеті Бұқара­лық спортты да­мы­ту басқарма­сы­ның бастығы Бекболат Бай­жанов осы ұсынысты қолдай­тындарын айтып, дене тәр­биесі мен спортты дамы­туға бай­ланыс­ты өз пікір­лерін біл­дірді. Ал Сарап­шылар кеңе­сінің мү­шесі “Ас­та­на” журна­лының бас ре­дакторы Мақсат Тәж-Мұрат мы­надай ұсыныс енгізді: “Қор құры­латын болса, оның кеңесінің мү­ше­лері ақша­лай немесе басқалай ақысыз қоғамдық негізде жұмыс істеуі керек. Екіншіден, қор спорт­тық лоторея ойын­дарын өт­кізу құ­­­қы­ғына ие болсын. Мәскеу Олим­­пиа­дасы негізі­нен “Спорт­лото” ойынынан түскен қаржыға өткізілген”. Сарапшылар кеңесінің төр­ағасы “Шығармашы­лық билетке” Үндеуді толық рәсімдеп, адресатқа жіберу­ді, айтылған ұсыныстар мен ойларды Үкімет пен тиісті ве­домст­воларға жеткізуді тапсырды. Дастан КЕНЖАЛИН.