Жасампаздықтың жарқын жеңісі

Қазақстан қоғамының көл-көсір қуанышы

Адам бақыты өзі өмір сү­ріп отырған қоғамның қуаны­шы­на бөленіп жүруінде. Ал, ел шат­ты­ғын шалқытуға азды-көп­ті үлес қосып, еңбегіңнін зей­нетін көру қуанышыңды барынша еселей түседі. Мұндай ел әлем наза­рында болатындығы анық. Мен жуырда Аустралиядан оралдым. Қарапайым фермер­лердің аузында «Қазақстан. Астана. Саммит. Назарбаев» деген құрмет екпініндегі сөздер. Кездескен, тілдескен кісілердің бар­лығы «Мұндай табысқа жету сыры неде?» деп сұрайды. Мен жанымды салып түсіндіріп бақ­тым. Бақытын Қазақстанда тап­қан балқар ұлтының өкілі екендігімді айттым. Сол ойларым Сам­митте Елбасы Нұрсұлтан На­зарбаевтың сөздерінде терең пайыммен нақтылай жеткізілді. Президенттің: «Біз әлемнің демократия ешқашан болмаған бө­лігінде оны қалыптастырып отыр­мыз. Қазақстандағы тұрақ­ты­лық – бұл, ең алдымен, сенімді экономикалық өсу. Барлық 140 этностың және 46 кон­фес­сияның төзімділігі, татулығы мен келісімі Қазақстан қоғамы­ның берік іргетасы болды», – деуі отандастарымның ортақ пікірі ғана емес, қуанышымыздың сырын жер-жаҺанға жайып салу ретінде қабылданды. Ашықтық болған жерде абы­рой да болады. Осының арқа­сын­да Қазақстан ЕҚЫҰ-ға Төр­ағалық туын көтеріп, Ұйымның 11 жылға үзіліп қалған жоғары деңгейдегі форумын өткізу дәстүрін жалғастырды. Мемлекет басшылары өздерінің әр­қилы ұстанымдарына қара­мас­тан, ортақ үнқатысуға жол аш­қан Астана Саммитінің мүм­кіндіктерін барынша тиімділікпен пайдаланғанын көрдік. Астана Декларациясының ортақ мүдделестікпен қабылдануы осы­ның дәлелі. Ал Қазақстан өз бастамашылдығын жалғас­ты­рып, ЕҚЫҰ Қауіпсіздік инс­ти­тутын белгілеп, оны Астанада орналастыруды, конфес­сияара­лық үнқатысу үшін Қазақ­стан­дағы Әлемдік және дәстүрлі діндер лидерлері съезінің алаңын пайдалануды ұсынды. Бұл – еліміздің жаҺандық саясаттағы белсенділігін байқататын жауапкершілік. Қазақстанның мақсаты, Ел­басы Н.Назарбаев айтқандай, «Алып Еуразия құрлығын сенім, дәстүр, ашықтық және төзім­ділік сынды жалпы құнды­лық­тарға негізделген ортақ кеңіс­тікке айналдыру». Адамзат та­рихын жасаған ұлы халық­тардың үнқатысуы – Астана Саммиті жақсылықтың жарқын дәуіріне бастайды деп сенеміз. Ибрагим ЖАНҒОРАЗОВ, «Ижевск» ӨК директоры, Социалистік Еңбек Ері. Ақмола облысы, Аршалы ауданы. Айтарымыз бар ел атандық Еліміздің халықаралық беделі мен Мемлекет басшысының бейбітшілікті нығайту жолында­ғы тынымсыз еңбегіне жоғары баға берген ЕҚЫҰ Саммиті та­быс­ты қорытындыланды. Жыл басында жұмысын бастаған мәр­тебелі ұйым әлемдегі мемле­кет­тердің қауіпсіздігі мен тұрақ­ты­лығына, Орталық Азия аума­ғын­дағы мәселелерді шешуге әлем­дік қоғамдастықтың назарын ауда­рып, көшбасшы болды деуге толық негіз бар. Қазақ халқы – жақсыға ұм­тыл­ған, баршаны бауырына ба­са­тын, көпшіл, бейбітсүйгіш ха­лық. Содан болар, мұндағы көп этностардың тату-тәтті ғұмыр кешіп, ұрпақ тәрбиелеп, құнды­лық­тарын ұмытпай алға апар­ғаны. Осыдан 19 жыл бұрын тәуелсіздігін жариялап, еркіндікті ту еткен жас мемлекет өзіне жүктелген әлемдік деңгейдегі дү­бірлі жиынды лайықты атқар­ды. Еліміз абырой биігінен кө­рінсе деген ақ тілек қазақ­стан­дықтардың жүрегінен орын алды десем, қателеспеймін. Міне, еліміз күні кеше ЕҚЫҰ-ға мүше 56 елдің мемлекет басшылары мен үкімет жетекшілерін, оған қосымша 12 мемлекеттің мәртебелі мейман­дарын құшақ жая қарсы алып, үлкен меймандостық, қонақ­жай­лық көрсетті. Көгілдір экраннан өзге мемлекет басшыларының Нұрсұлтан Әбішұлына деген ыстық ықыласын көргенде жү­ре­гімді мақтаныш сезімі билегенін жасырмаймын. Кешегі қиын-қыстау күндер­ді қайыспай басынан өткеріп, елдегі ұлтаралық татулық пен дін­аралық түсіністікті қалып­тас­ты­ра білген, «алдымен – эконо­мика, содан кейін саясат» деген ұстанымды басшылыққа алып, қазақстандықтардың әлеуметтік-тұрмыстық жағдайын жақсарту үшін бел шешпей еңбек еткен тұңғыш Президентімізге айтар алғысымыз шексіз. Бұрындары біреу біліп, біреу білмейтін, Кеңестер Одағының шек­пенінен шыққан Қазақстан ТМД елдері арасынан, түркі тілдес және мұсылман мемлекеттері ішінен алғашқысы болып, Еуро­падағы қауіпсіздік және ын­тымақтастық ұйымына төр­аға­­лық жасады. Еліміз еуропа­лық­тардың жылдар бойы қалып­тас­қан таптаурын түсініктерін өз­гер­тіп, еуразиялық және еуро­ат­лантикалық қауіпсіздік мәсе­ле­ле­рін көтерді. Жылдар бойы қордаланған аумақтық шиеленістерді шешуге жаңа көзқарас қалыптастырып, нақтылы қа­дам­дармен үлгі көрсеткенімізді әлем мойындады десек, артық айтпағанымыз. Ал Астанада өткен Саммит осынау ауқымды жұмыстардың түйінін шешуге алғышарт жаса­ған алқалы басқосу болғаны даусыз. Бүгіндері «ЕҚЫҰ Қа­зақ­стан төрағалығына дейін және кейін» деген түсінік қалып­та­суда. Бұл Қазақстанның кәрі құрлыққа айтары бар, жол сілтер дәрежеге көтерілгенін мойындау болып табылады. Елена ПОРСЕВА, «Полония» облыстық поляк мәдени-ағарту  қоғамының төрайымы. Алматы облысы.