Еліміздің жарқын болашағын ілгері жетелейтін біздің бүлдіршіндеріміз. Сол бүлдіршіндеріміздің саналы да сапалы білім мен тәрбие меңгеруіне жасалып жатқан зор мүмкіндіктер тәуелсіз еліміздің арқасы.
Күні бүгінге дейінгі балаларымызды балабақшаға орналастыру мәселесі қиын болып келіп еді. Қазіргі таңда бұл мәселе ата-аналардың қуанышына орай шешімін тауып отыр. Қаламызда жаңа балабақшалар ашылып, балаларымыздың қабылдануы жайындағы құжаттарға қол қойдық. Мен ұлымды 4-ші шағын аудандағы №7-ші «Шуақ-Жай» балабақшасына орналастырдым.
Балабақша ғимараты әдемі. Кіреберістен бастап, балаларға арналған барлық бөлмелер ішіндегі заттар көз жауын алады. Безендірілуі де бөлек. Мұнтаздай тап-таза терезелерінен күн шуағы жарқырап түсіп тұр. Ол ұл мен қыздың жанына жылылық, жайлылық сыйлайды. Тәрбиешілер де жылы шырайлы жандар.
Ұлымды осы балабақшаға орналастырғаныма іштей қуанамын. Осындай жақсы жағдайға кенелу елдігіміздің берген бақыты мен бағы деп білемін.
Жадыра ӨМІРХАНОВА, ана.
Батыс Қазақстан облысы,
Ақсай қаласы.