Қазақ хандығының 550 жылдығы

туралы сериал күзде көрермен назарына ұсынылады Аталмыш сериал бұрын­ғылардан өзгерек. Қазақ ханды­ғының тағдырын бейнелейтін көптен күткен сериал осы күзде көрермен назарына ұсынылады. Қазіргі таңда түсірілім аяқ­талуға жақын. Бұл туралы Мә­де­ниет және спорт министрі Арыс­танбек Мұхамедиұлы 2015 жылдың қорытындысы бойынша халыққа есеп берген кезінде мәлімдеді. Министрдің айтуынша, Үкімет тапсырмасымен қазір, отандық киноиндустрияны дамытудың тұжырымдамасы дайын­далып жатыр. Тағы бір қуанышты жаңалық, биылғы күзде жаңа бір туынды – «28 панфиловшылар» фильмі жарыққа шығады. Мәскеу түбіне таяп қалған 18 неміс танкісін тоқтатқан даңқты 316-шы атқыштар дивизиясы туралы фильм Ресейдің Мәдениет министрлігімен бірлесіп дайындалған. – Кино мәдениетін жаңа бір сатыға көтеретін уақыт келді. Бұл үшін құқықтық, салалық өзге­рістер қажет. Қазіргі таңда «Қазақфильм» сияқты киностудиямыз бар. Алайда, біз сол студияның бар мүмкіншілігін пайдалана алмай келеміз. Мұның барлығын бір жүйеге келтіру қажет. Ең бі­рінші, көркем фильмдерді кең прокатқа шығатындай ету қажет. Себебі, жақсы фильмдеріміз түсі­рілгенімен, оларды халық­аралық деңгейде көрерменге ұсынатын тетіктер жоқ, – деді Арыстанбек Мұхамедиұлы. Аян ӘБДУӘЛИ, «Егемен Қазақстан»