Миссия делегациясымен жүздесу

Кеше Парламент Мәжілісінің Төрағасы Орал Мұхамеджа­нов ТМД Парламентаралық Ассамблеясының байқаушылар мис­сиясы делегациясын қабылдады. Палата Төрағасы ТМД Парла­ментаралық Ассамблеясы бай­қау­шылар миссиясының мүше­ле­рін жылы шыраймен қарсы алып, Қазақстан Республикасы Парламенті Сенатының депутаттарын сайлау үдерісіне байқаушы ретінде қатысып отырғандарына ри­за­шылығын білдірді. Өз кезегінде аталған мис­сия­ның өкілі – Ресей Федерациясы Федералды Жиналысы Федерация Кеңесінің ТМД істері жө­ніндегі комитетінің мүшесі Вадим Густов Қазақстандағы сайлау науқанының ұйымдас­ты­ры­луы туралы оң көзқарасын жеткізе келіп, Мәжіліс Төрағасына Пар­ламент Сенатының депу­тат­та­рын сайлауға әзірлікті зерделеп, бір ай ішінде дайындалған сарапшы топтың есебін табыс етті. «Қазақстанда сайлау жүйесі жолға қойылған», – деп атап өтті В.Густов. Мәжіліс Төрағасы биыл көк­темде болған Қазақстан Респуб­ли­касы Президентінің кезектен тыс сайлауына дайындық барысы мен өткізілгені жөнінде ТМД бай­қаушылар миссиясының шы­ғар­ған қорытындысында әділ бағаланғаны үшін ризашылығын жеткізді. Кездесу барысында парламенттік сайлау үдерісі саяси тұ­рақты жағдайда, Қазақстандағы әлеуметтік-экономикалық бір қа­лып­ты деңгейде өтіп жатқаны әң­гіме болды. Ал сайлау туралы заң­нама сайлау үдерісінің ашық түрде өтуін қамтамасыз етеді. Орал Мұхамеджанов Мәжі­ліс­тің қызметі жөнінде айта келіп, әлемдік қаржы дағдары­сы­ның ықпалын азайтып, ел эко­но­микасының тұрақтылығын сақ­тау­да Парламенттің үлкен рөл ат­қарғанын тілге тиек етті. Осы орайда дағдарыстың алдын алу бағытында экономикалық қаты­нас­тарды, салық салу мен әлеу­меттік қамтамасыз ету жүйесін жақсартуды көздейтін заңдар топ­тамасы дер кезінде қабыл­да­н­ға­нын атап өтті. Энергия көз­де­рін үнемдеуге және су ре­сурс­тарын тиімді пайдалануға негіз болатын заңдар өмірге келді, деді Мәжіліс Төрағасы. Бүгінгі таңда Мәжіліс депутаттары Қазақ­стан­ның 2020 жылға дейінгі кезеңді қамтитын үдемелі инновациялық индустрияландыру бағдарлама­сын заңнамалық қамтамасыз ету мәселесіне басымдық беріп отыр. Кездесуде парламентаралық ынтымақтастықты дамытудың жол­дары, ТМД ПАА шеңберінде негізінен саяси, экономикалық, мә­дени-гуманитарлық ынтымақ­тас­тыққа бағытталған өзара ық­пал­дастықты арттыру мәселелері сөз болды. Сонымен қатар, тараптар Қазақстанның сыртқы сая­саты, көрші елдермен қарым-қа­тынасы туралы ойларымен бө­лісті. Айталық, еліміздің стра­те­гиял­ық әріптесі – Ресей Федера­ция­сымен арадағы сауда-эконо­ми­калық, мәдени-гуманитарлық бай­ланыс тұрақты дамып келеді. Қа­зақстанның сыртқы сауда айна­лы­мының 20 пайыздай үлесін Ресей құрап отыр. 2010 жылдың қоры­тын­дысы бойынша екі ел ара­сын­дағы сауда айналымы 17,4 млрд. АҚШ долларына тең болды (экс­порт – 5,4 млрд. АҚШ доллары, импорт 12 млрд. АҚШ доллары). Бұл жерде Кеден одағы шең­беріндегі сауда айналымы бой­ын­ша 2010 жылдың екінші жар­ты жылдығындағы мәлімет есепке алынған. Ал 2011 жылдың бірінші жарты жылдығында қос мемлекет арасындағы сауда ай­на­лымы 11,2 млрд. АҚШ долларын құрады, бұл өткен жылдың осы кезеңімен салыстырғанда 44,5 пайызға өсіп отыр. Қазақстан мен Қырғыз Рес­пуб­ликасы арасындағы қарым-қатынас та оң үрдіспен дамуда. 2010 жылы екі ел арасындағы сауда айналымы 589,9 млн. АҚШ долларын құрады, оның ішінде экспорт 424,2 млн. доллар, импорт 165,7 млн. доллар. Үсті­міз­дегі жылдың бірінші жарты жылдығында сауда айналымы 300 млн. 821 мың АҚШ доллары көлемінде болды. Мәжіліс Төрағасы меймандарға Ресей мен Қырғыз Республика­сын­да алдағы уақытта болатын президенттік және парламенттік сайлау­лар­дың табысты өтуіне тілектестігін білдірді. «Егемен-ақпарат».