Тарихқа көз жүгіртсек, тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдері келді.
Тұтастай алғанда 20 ғасырдың басынан бастап, тарихшылардың айтуынша, Қазақстанға 5,6 миллион адам әкелінген. Қазақ отбасыларының өздері ауыр экономикалық жағдайларды бастан кешіп, бұрын-соңды болмаған репрессияға ұшырап жатса да, қоныстанушыларға қолдау көрсетті.
Қазақ этносының ортақ тарихи тағдыры – ерекше төзімділік, олардың көзқарастары мен ұмтылыстарын қалыптастырып, ортақ құндылықтар мен мұраттарды нығайтты.
Н.Ә. Назарбаевтың Тәуелсіздік күні қарсаңында жарық көрген «Тәуелсіздік дәуірі» атты кітабында егемен ел дамуының күрделі кезеңі, жаңа әлеуметтік-саяси институттарды қалыптастыру сипатталады. Онда Елбасы «1995 жылы құрылған Қазақстан халқы Ассамблеясы – мәдениет пен ұлттардың диалогына қажетті айрықша қоғамдық алаң. Біздің еліміз жаһандық конфессияаралық диалогтың орталығына айналды: 2003 жылы Астанада тұңғыш рет шақырылған Әлемдік және дәстүрлі діндер басшыларының съезі сол уақыттан бері жүйелі түрде өткізіліп келеді. Алғашқы күннен-ақ конструктивті сипатқа ие болған біздің сыртқы саясатымыз «көпвекторлылық қағидатына» негізделген. Көршілермен татулығының арқасында Қазақстан тарихта тұңғыш рет нақты құжаттармен рәсімделген, халықаралық қоғамдастық мойындаған шекараға ие болды», деп атап өтеді.
Мерекенің басты мазмұны – Мемлекет басшысы Н.Ә.Назарбаевтың этносаралық және конфессияаралық қатынастар саласындағы теңдестірілген және көреген саясаты, қазақстандықтардың жоғары мәдениеті мен даналығы, ұлттар арасындағы бейбітшілік пен келісімді нығайту. Ол біздің жүрегімізге жақын, біздің еліміздің ең маңызды мерекелерінің бірі болып табылады.
Отандық тарихтың тәжірибесі мен сабақтары шынайы гуманизмнің мыңдаған мысалдарын, шынайы ризашылық пен риясыздықтың дәлелі. Ондаған жылдар бойы миллиондаған адам тағдырларының араласуы, жүздеген этностық топтардың дәстүрлері мен өмірлік негіздерін ендіру және өзара байыту бірегей рухани байлыққа ие болу, бірегей мәдениетті және прогрессивті ұлт қалыптастыруға мүмкіндік берді.
«Қазақстан тәуелсіздік жылдарында дәл осындай өз ұстанымын тауып, әлемге өз стратегиясын көрсетті, ұлтаралық келісімнің өзіне ғана тән іскерлік үлгісін жасады. Әрине мұндай үлгіні жасау уақыт, тұрақты күш-жігер мен ерен еңбекті талап етті, алайда нәтиже сол еңбекке татитын: қиын жағдайда біз байырғы қазақ жерінде тіршілік етіп жатқан барлық азаматтар мен этностардың патриотизміне және азаматтық жауапкершілігіне өзара түсіністігі мен толеранттылығына негізделген айрықша үлгі жасап шығардық», деп Елбасы «Тәуелсіздік дәуірі» кітабында заманауи тарихтың бұл күрделі кезеңін сипаттаған.
Алғыс айту күнінің басты мақсаты – қазақтарды және барлық этникалық топтарды бір-біріне қолдау көрсету арқылы ортақ тарихтың, бірлескен қиындықтардың ұжымдық естелігі негізінде қазақстандық сәйкестілікті нығайту және дамыту. Осы ретте, негізгі мақсаттар қатарын атап айтсақ: барлық этностық топтардың бір-біріне және қазақтарға әлеуметтік үйлесім мен ұлттық бірлік факторы ретінде алғыс білдіру; Қазақстанның аумағында әртүрлі этностардың пайда болуы, сақталуы және даму тарихы туралы білімді тереңдету; қоғамда депортацияланған халықтар тағдырында қазақ халқының ерекше рөлін сезінуді күшейту; қазақстандық патриотизм, азаматтық және рухани-мәдени қоғамдастық негізінде «Мәңгілік Ел» ұлттық патриоттық идеясымен біріктірілген қазақстандық сәйкестік пен бәсекеге қабілетті ұлт қалыптастыру; қоғамдық келісімді және ұлттық бірлікті, этностық топтардың достығын нығайту; қазақ халқының және барлық қазақстандық этностық топтардың мәдениеті мен дәстүрлерін құрметтеу.
Айта кету керек, Қазақстан халқы Ассамблеясына бейбітшілік пен келісімнің президенттік саясатының салтанатына айналған Алғыс айту күні ұйымдастырылуының үйлестірушісі болу тапсырылды. Осы мақсатта кең ауқымды ҚХА «Үлкен ел – Үлкен отбасы» жобасы жүзеге асырылуда. Оның шеңберінде елімізде бірқатар шаралар қолға алынуда. Мысалы «Алғыс айту – парызым» атты жоба бойынша 2017 жылы жеті мыңға жуық іс-шара ұйымдастырылып, үш миллионға жуық адам қамтылды. Президентке 800-ден астам хат жолданды, оның 30-дан астамы шетелдерден келген. Дәстүр бойынша іс-шаралар түрлі қайырымдылық акциялармен, жобалармен жалғасуда. Сондай-ақ «Алғыс философиясы», «Отбасы арқылы алғыс» сияқты халықтың түрлі санатын қамтитын көптеген іс-шаралар ұйымдастырылуда. Мұнда әрбір адам бақытқа қол жеткізе алды. Олар қазақ халқына алғыс айтып, жомарттық, даналық пен қонақжайлылық үшін ризашылық білдірді.
Алғыс айту күнінің екі жылдық тарихында бұдан басқа да шаралар жүйелі түрде ұйымдастырылуда. Жеке тоқталатын болсақ, науқас балаларға қолдау көрсету мен емдеуге бағытталған «Мейірімділік керуені» ұлттық акциясының шеңберінде «Қоржын» қайырымдылық шарасы, оқу және басқа мекемелерде алғыс тақырыбына арналған «Тарих ғибраты» сабағының он жылдығын атап өтуге болады.
Осылайша Қазақстанда Елбасымыз Н.Ә.Назарбаевтың сындарлы саясатының нәтижесінде барша халық тыныштық пен үндестік, өзара сенім мен ынтымақтастықта өмір сүруде.
Владимир БОЖКО,
Парламент Мәжілісі Төрағасының орынбасары,
Қазақстан халқы Ассамблеясы Кеңесінің мүшесі, «Орыс, славян және казак ұйымдары қауымдастығы» қоғамдық бірлестігі төрағасының орынбасары
