![«Астана-Алматы» пойызының рельстен шығып кету себебі анықталды](/article_photo/1529234008_article_b.jpeg)
ҚР ИДМ Көлік комитетінің өкілдері Жамбыл облысында пойыздың рельстен шығып кетуінің алдын ала себептерін айтты.
«17 маусым күні 13:25-те Сарышаған - Шу учаскесінде Астанадан Алматыға бара жатқан №9/10 пойызының жолаушы вагондары рельстен шығып кетті. Оған машинистің жолдың қисайған жерін көріп, шұғыл тежегішті басқаны себеп болған. Оқиғаның мән-жайын тексеру үшін ҚР ИДМ Көлік комитетінің жанында арнайы комиссия жасақталды», - деп мәлімдеді Көлік комитетінің баспасөз қызметі.
Еске салайық, бүгін Астанадан Алматыға бара жатқан жолаушылар пойызы апатқа ұшырап, бір адам қаза тапты.