Елбасы Нұрсұлтан Назарбаев «Чернобыль апаты бүкіл әлемді атомды бейбіт мақсатта пайдаланудағы қауіпсіздік мәселесімен шындап айналысуға мәжбүр еткен әрекеттің бастауына айналды және бұл сынақтардың салдарлары әлі де ұзақ уақыт сезіледі» деген болатын. Адамзатқа қауіп төндірген апат мыңдаған жаның жүрегін әлі де сыздатып келеді. Семей ядролық сынақ полигоны әлемдегі ең үлкен полигон. Жарты ғасырға жуық уақыт бойы онда 456 ядролық жарылыс жасалды, оның әрекет ету жиынтығы 116 Чернобыльге тең саналады.
Шара барысында қасиетті Маңғыстау жерінде бой көтерген естелік стелаға Чернобыль топырағы салынды. Жиналғандар радиациялық апат құрбандарын 1 минут үнсіздікпен еске алып, ескерткішке гүл шоқтарын қойды.
Гүлайым ШЫНТЕМІРҚЫЗЫ,
«Егемен Қазақстан»
Маңғыстау облысы
