Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Егемен Қазақстан
17.07.2018 152
2

Алдымен 6 фавориттен бастасақ. Бірін­ші­лікте бәсі жоғары командалардың 4-еуі Еуропадан, 2-еуі Латын Америкасынан болатын. Франция, Германия, Испания, Португалия, Аргентина және Бразилия. Міне, осы 6 команда мундиальдің алпауыттары саналып, алтын кубокты жеңуі тиіс деп болжанды. Бұл тізімдегі 3 команда: Испания, Португалия, Аргентина плэй-оффтың алғашқы сатысынан «ұшты». Аргентинаның тіпті бұл кезеңге жеткенінің өзі қиын оқиғалармен өрілгенін ұмытпаспыз. Ал әлем чемпионы Германия өз тобынан мүлде шыға алмай, масқара болып 

отанына оралды. Әлем чемпионы болған команда келесі біріншілікте топтан шыға алмай қалып жататын жағдай бұл жолы да қайталанды. 2002 жылы Франция, 2010 жылы Италия, 2014 жылы Испания, енді міне 2018 жылы Германия чемпион деген атқа лайық ойын көрсете алмай кетті. Аталған командалар ішінде Бразилия мен Франция ғана қалды. Ширек финалда Бразилия Бельгиядан жеңіліп, мардымсыз ойынымен біріншілікпен қош айтысты. Фаворит саналғандар қатарынан қалған жалғыз Франция жортып жүріп, дегеніне жетті. 

Үздік сұрмерген атануы тиіс ойыншылар Неймар мен Гризман болатын. Екеуінің өзгелерден оқ бойы озық тұрғанын байқап едік. Неймар 2 гол соққанымен емес, бұл біріншілікте симуляция жасап, әртістігімен ерекшеленді. Оған қарсы 23 рет ойын тәртібі бұзылды. Бірақ бразилиялық шабуылшы осы чемпионатта қақпаға ең көп соққы жасаған футболшы (27 рет) ретінде тіркелді. Ал Франция құрамасының шабуылшысы Антуан Гризман 4 гол соққанымен, «үздік сұрмерген» номинациясы бойынша Харри Кэйн жеңіске жетті. Ол – 6 голдың авторы. 

Чемпионаттың үздік ойыншысы атануы мүмкіндердің қатарында әдеттегідей Криштиану Роналду, Леонель Месси және Неймар үштігі болғаны рас. Біріншілік бас­талмас бұрын бұл тізімге ешкім де қарсы сөз айта алмас еді. Ал енді бұл марапатты Лука Модрич алғанын көріп отырмыз. 4 жылда бір келетін доп додасының болжап айтуға өте қиын жарыс екеніне тағы бір мәрте көз жеткіздік. 

VAR жүйесінің арқасында осы чемпионатта пенальтилер санының да көп болғаны анық. 1990, 1998, 2002 жылғы чемпионаттарда 18 пенальтиден белгіленсе, бұл жолы жанкүйерлер 22 пенальти тамашалады. Сонымен қатар бұл додада автоголдар саны да тым көп болды. 12 автогол соғылып, көптеген жылнамаларға өзгеріс енді. 

Ал жалпы мәлімет үшін айта кетсем, бұл жарыста сонымен қатар 169 гол соғылып, 219 сары қағаз, 4 қызыл қағаз көрсетілді. Ал Хорватия ойыншысы Иван Перишич біріншілік барысында 72 шақырым жер жүгіріп тастапты. 27 мәрте қақпасына кіргелі тұрған доптан құтқарған бельгиялық Тибо Куртуа турнирдің үздік қақпашысы атанды. Негізі көпшілік жанкүйер испаниялық Давид Де Хеа қақпашылар арасында үздік шығар деп үміттенген. 

Сонымен қатар бұл чемпионатта қорғаушылар қатты көзге түсті. Мысалы, чемпион болған Францияда Самуэль Юмтити, Рафаэль Варан, Бенжамен Павар секілді қорғаушылар бір-бірден гол соқты. Франция құрамасы 1998 жылы чемпион болған кезде де үш қорғаушы Лоран Блан, Эмануэль Пети, Лилиан Тюрамдар гол соққан екен. Ал осы чемпионат барысында Колумбия құрамасының қорғаушысы Йерри Мина жалғыз өзі 3 доп соқты. Ал чемпион атанған Рафаэль Варан бір маусымда Чемпиондар лигасында да және әлем чем­пионатында да жеңіске жеткен төртінші футболшы. Оған дейін мұндай атаққа Роберто Карлос, Кристиан Карамбе және Сами Хедира қол жеткізген. Бір қызығы, аталған футболшылардың барлығы да Мадридтің «Реалының» намысын қорғаған. 

Ал әңгімеміздің соңында барлығымызға ұнайтын ақша туралы қозғай кетсек. Чемпион атанған Франция құрамасы 38 миллион еуро көлемінде қаржы алды. Ал күміс жүлдегер Хорватия – 28 миллион. Дегенмен, ел президенті Колинда Китарович әр футболшыға 9,5 мың еуродан сыйақы тағайындапты. Себебі сол 28 миллионның басым бөлігі Хорватия футболының дамуына бөлінері анық. Ал қола жүлдегер Бельгия 24 миллион еуро алса, Англия құрамасы 22 миллион иеленген. Ширек финалға шыққандар 16 миллионнан арқалап қайтса, 1/8 финалда жеңілгендер 12 миллион көлемінде сыйақыға кенелді. Ал жалпы алғанда ФИФА-ның беріп отырған биылғы қаржылай үстеме сыйлықтары осыған дейінгі чемпионаттармен салыстырғанда көбірек. Себебі жарысқа қатысып, топтық кезеңде 3 ойын өткізген командалардың барлығы 9,5 миллионнан алды. 

Осындай қызықтарымен өрілген чемпионат мәресіне жетті. Ендігі кезек – 2022 жылы Қатар мемлекетінде өтетін 22 чемпионатта.

Ермұхамед МӘУЛЕН,
«Егемен Қазақстан»

СОҢҒЫ ЖАҢАЛЫҚТАР

21.02.2019

Екатеринбургтағы жол апатында 5 қазақстандық зардап шекті

21.02.2019

Жамбылда аз қамтылған және көпбалалы отбасылар үшін 10 жатақхана салынады

21.02.2019

Үкіметті уақытша басқару Асқар Маминге жүктелді

21.02.2019

Мемлекет басшысының мәлімдемесі

21.02.2019

Елбасы Үкіметті таратты

21.02.2019

Н.Нығматулин Аустрия Парламенті Ұлттық Кеңесінің төрағасымен кездесті

21.02.2019

Сенаторлар халықаралық келісімдерді ратификациялады

21.02.2019

Индустрияландыру бағдарламасы аясында 20 мың тұрақты жұмыс орны ашылады

21.02.2019

Қызылордалық полицейлер заңсыз аң аулаушыларды ұстады

21.02.2019

Түркістан облысының өз футбол командасы құрылады

21.02.2019

Жайық өзені бойында ауқымды рейд өткізілді

21.02.2019

Биыл 65 мың ірі қара сатып алуға ақша бөлінеді

21.02.2019

Бас прокуратура өтемақы қорына өндіру тәртібін түсіндірді

21.02.2019

Қоғамға көмектесетін инклюзивті инновациялар

21.02.2019

Дариға Назарбаева Еуропалық Одақтың Орталық Азия жөніндегі арнайы өкілімен кездесті

21.02.2019

Airastana 1 сәуірден бастап Қазақстан арқылы Ташкентке рейстерді ұлғайтады

21.02.2019

Қазақстан Ұлттық Банкінің төрағасы неміс бизнес-қоғамдастығының өкілдерімен кездесті

21.02.2019

Қазақстан мен ЕҚДБ арасындағы ынтымақтастық мәселесі талқыланды

21.02.2019

Семейлік оқушы-кәсіпкер Нәдір Сәбитов жиһаз шығаратын цех ашты

21.02.2019

Алексей Луценко «Оман турының» жеңімпазы

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу