«Бүгін түнгі сағат 01.00-де Құлсары қаласының № 2 мамандандырылған өрт сөндіру бөлімінің диспетчерлік қызметіне Құлсары қаласындағы №35 тұрғын үйдің терезесінен өрт шыққаны жөнінде қоңырау түсті. Жалын 21 шаршы метрді шарпыған. Өрттің салдарынан түтін жоғары қабаттарға тарады. Жиырма алты адам эвакуацияланды, олардың жетеуі балалар», - деп хабарлады облыстық ТЖД баспасөз қызметінен.
Құлсары қаласының №2 мамандандырылған өрт сөндіру бөлімшесінің қызметкерлері тілсіз жауды сағат түнгі 02.03-те ауыздықтады. Өртке 10 қызметкер және 2 техника жұмылдырылды. Құрбан болғандар мен зардап шеккендер жоқ.
