Кездесуде жастар Алмат Тұрсыновқа көптеген сұрақтар қойды. «Еңбек Ері болу қиын ба?», «Тәуелсіздік Сізге не берді?», «Спорт Сізді қалай дамытты?» деген сияқты жастардың көптеген сұрақтарына кездесу кейіпкері жан-жақты, қызықты ақпараттармен жауап берді. Алмат Жанәбілұлы жастармен әңгімесін «әркім саламатты әрі белсенді өмір сүргенде, бала кезден сабаққа тиянақты болып, жақсы білім алғанда, жақсы істерге, бастамаларға жігерлілікпен кіріскенде жастар барлық биіктерді алуына кедергі жоқ» деген ойлармен тұжырымдап отырды.
Облыс экономикасы мен әлеуметтік саласының дамуына үлкен үлес қосып жүрген Алмат Тұрсыновтың жастармен кездесуі өте мазмұнды өтті.
Нәзира Жәрімбет,
«Егемен Қазақстан»
Қостанай
