«Қазақстанның 14 азаматы әлі күнге дейін әртүрлі себептермен Қытайдан шыға алмай отыр. Біздің консулдар ол азаматтарға көмек көрсетіп жатыр. Қытай тарапымен дипломатиялық арналар арқылы жұмыс жүргізіп жатыр. Қытай тарапы 2000-нан астам қазаққа өз территориясынан шығуға рұқсат берді», деді Айбек Смадияров.
Брифинг барысында Айбек Смадияров Мемлекет басшысы Нұрсұлтан Назарбаевтың 6 желтоқсанда Санкт-Петербург қаласында өткен Жоғары Еуразиялық экономикалық кеңестің отырысына қатысуының негізгі қорытындыларына тоқталды. Сонымен қатар, алда өтетін маңызды іс-шараларды атап өтті.
Мәдина ЖӘЛЕЛҚЫЗЫ,
«Егемен Қазақстан»
