Парламент • 17 Қаңтар, 2019

Сенат отырысында Қазақстан-Тәжікстан арасындағы көші-қон мәселесі қаралды

360 рет
көрсетілді
1 мин
оқу үшін

Бүгін Парламент Сенатының отырысында «Қазақстан Республикасының Үкіметі мен Тәжікстан Республикасының Үкіметі арасындағы көші-қон саласындағы ынтымақтастық туралы келісімді ратификациялау туралы» Заң жобасы қабылданды.

Сенат отырысында Қазақстан-Тәжікстан арасындағы көші-қон мәселесі қаралды

«Бұл келісімге 2018 жылы наурызда Астана қаласында қол қойылды. Келісімді ратификациялау жағдайында көші-қон ағымдарын реттеу мен азаматтық мәселелерді шешу үшін қолайлы жағдай жасалады. Құжат бірқатар бағыт бойынша ақпарат алмасуды көздейді. Осы орайда, статистикалық, құқықтық және ғылыми-әдістемелік ақпарат, тараптағы мемлекеттер аумақтарындағы елдер азаматтары туралы мәліметтер ескеріледі. 2018 жылғы шілдеде келісім Тәжікстан Парламентімен ратификацияланған» деді Ішкі істер министрі Қалмұханбет Қасымов.

Екі ел арасындағы аталған келісім көші-қон саласындағы екіжақты ынтымақтастық үшін құқықтық негіз құруға бағытталған. Келісім екі елдің көші-қон заңнамасы туралы, оның ішінде көші-қон процестерін реттеуді, пана және азаматтық беру тәртібі туралы мәліметтермен алмасуды жүзеге асыру үшін қолайлы жағдай жасауды, заңсыз көші-қонға қарсы күресуді анықтайды. 

Осы келісімнің шеңберінде тараптар ұлттық заңнамаларға және халықаралық шарттарға сәйкес екі ел аумағында еңбек ресурстарын тарту саласында мемлекеттік органдар мен шаруашылық субъектілері арасындағы ынтымақтастыққа жәрдемдеседі.