Тұзды мөлшерінен тыс тұтынған 11 млн адам мерзімінен бұрын көз жұмған

Әлем • 05 Сәуір, 2019

Тұзды көп тұтынған 11 млн адам қапияда көз жұмған

684 рет көрсетілді

Әлемдегі әрбір бесінші адам дұрыс тамақтанбау салдарынан мерзімінен бұрын көз жұмады. Бұл туралы bbc.com хабарлады.

Дұрыс құрылмаған тамақтану рационы жыл сайын 11 млн адамның өмірден ерте кетуіне алып келеді. Бұл туралы Lancet ғылыми журналы жариялаған зерттеуде айтылған.

Ғалымдардың айтуынша, дұрыс тамақтанбау темекі тартудың зиянына қарағанда өмір сүру үшін бірнеше есе қауіпті. Бүгінгі таңда әлемнің әрбір бесінші адамы дұрыс тамақтанбау салдарынан көз жұмады екен.

Өмір сүру ұзақтығын қысқартатын тағамның бірі – тұз. Күнделікті тұтынатын нан, соя соусы және дайын өнімдердегі тұз мөлшері адам денсаулығына зиян келтіреді.

Рациондағы қауіпті саналатын тағамдар:

Тұздың шамадан тыс көлемі – 3 млн адамның, тұтас дәнді-дақылдардың жетіспеушілігі – 3 млн, жеміс-жидекті жеткілікті мөлшерде тұтынбау – 2 млн адамның өліміне себеп болған.

«Біздің бақылауымызша, тамақтану – әлемдегі денсаулық мәселесі бойынша негізгі анықтаушы факторлардың бірі. Оның маңызы зор», - дейді Вашингтон университеті жанындағы Көрсеткіштер және денсаулықты бағалау институтының директоры Кристофер Маррей.

Қапияда көз жұмуға алып келетін басқа да маңызды факторлардың қатарына рационда жаңғақ, тұқым, көкөніс, сондай-ақ, теңіз өнімдеріндегі омега-3 май қышқылдарының толық болмауы жатады.

Тұзды мөлшерінен көп тұтынған 11 млн адамның 10 млн-ы жүрек-қан тамырлары ауруына шалдыққан.

Артық тұз артериялық қысымның жоғарылауына алып келеді, ал бұл, өз кезегінде, жүрек ұстамасының немесе инсульттің қаупін арттырады. Яғни рациондағы тұз жүрекке және қан тамырларына тікелей әсер етеді.

Дәнді-дақылдар мен жемістер жүрек жұмысына көмектеседі және жүрек-қан тамырлары ауруларының пайда болу қаупін төмендетеді.

Жүйесіз тамақтану нәтижесінде пайда болатын және ерте өлімге әкелетін басқа ауруларға екінші типтегі қатерлі ісік пен қант диабеті жатады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз