Руханият • 16 Қыркүйек, 2019

Ағайынды Аңқауовтардың ерекше техникамен өңделген туындылары көрмеге қойылды

43 реткөрсетілді

Елордада Ұлттық музейде «QazaqGeography» республикалық қоғамдық бірлестігі және Қазақ ұлттық өнер университетінің ұйымдастыруымен «География – мәдени даму бағыты» атты көрме өтіп жатыр. 

Шараның мақсаты – қолөнер шеберлері, осы саладағы жастар шығармашылығына қолдау білдіре отырып, қолданбалы өнер туындыларын таныту және насихаттау. Сонымен қатар, қолданбалы өнер бойынша жаңа технологиялық ізденістер қолдануда жаңа бағытты таныстыру.

Қолданбалы өнер – халықтың мәдени өмірін көрсететін сала. Бұл өнер түрі өткеніміз бен бүгінімізді ортақ бір арнада тоғыстырады. Қолөнер туындыларының арасында киіз өнімдерін ерекше атаған жөн. Себебі ерте дәуірден халық мәдениетіне енген бұл өнімдер бүкіл елдің тарихын, рухани өмірін насихаттайды.

Ағайынды Аңқауовтар – Қостанай өңірінің азаматтары. Өздерінің зор ізденістері, еңбектері, зор таланттың нәтижесінде қолданбалы өнердің жауһар туындыларын дүниеге әкелген. Өз шығармаларында қой жүнінің ерекше техникамен өңделген түрін кеңінен қолданады. Олар қолданған жаңа технологиялық бағыт – киізді кескіндеме жағынан көрсету. Сонымен қатар аталған көрмеге еліміздің түрлі аймақтарындағы шеберлердің  киіз бен гобеленнен жасаған еңбектері, «Arlan Design» сурет галереясының туындылары, Қазақ Ұлттық өнер университетінің педагогтары мен студенттерінің шығармалары ұсынылып отыр.

Көрменің ашылу салтанатында сөз алған ҚР Ұлттық музейінің директоры Арыстанбек Мұхамедиұлы: «Қазіргі күні еліміздің сән-салтанаты жарасқан осындай уақытта өңірлердегі әр жас талантқа қамқоршы болып жатқан «QazaqGeography» республикалық қоғамдық бірлестігінің ұйымдастыруымен бүгін Ұлттық музейде ерекше көрме ашылып отыр. Жас таланттарды қолдап, олардың келешегіне жол ашу үшін аталған ұйым ауқымды жұмыстар атқарып жүргенін атап айтқан жөн. Көрмені ұйымдастырушыларға, Қазақ Ұлттық өнер университетіне алғыс білдіремін», - деді.

1

«QazaqGeography» республикалық қоғамдық бірлестігі Қазақстан мен өзге мемлекеттердегі география және қоғам, табиғат, мәдениет ғылымдарын өзара үйлестіріп, түрлі жаңалықтарды дамыту бойынша жетекші ұйым болуды көздейді. Бұл қоғамдық бірлестік қазіргі уақытта аталған салалар бойынша өз еліміз бен шет мемлекеттер туралы сапалы білім беру негізінде түрлі жобаларды жүзеге асыруда.

Қоғам қайраткері Мырзатай Жолдасбеков: «Бұлақ көрсең, көзін аш» деген халықта мақал бар. Жас таланттарға мән беріп, көңіл аударып, олардың Ұлттық музейде көрмесін өткізіп жатқан азаматтарға алғыс айтамын. Ағайынды балалардың еңбектері қойылыпты көрмеге. Барын халқымен, осы жердегі жақындарымен бөлісіп, өз туған жеріне қызмет етсе, одан артық бақыт жоқ деп ойлаймын.  Көрмеге көз жүгіртіп, аралап шықтым. Керемет еңбек екен. Еш қиындыққа мойымай, қызмет етіп жүрген төрт ағайындыға да шын жүректен алғысымды айтамын. Көрме құтты болсын!», - деп жылы лебізін білдірді.

Бұған дейін хабарлағандай көрме 30 қыркүйекке дейін жалғасады.

        

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар