Бүгін сейсенбіде Жапонияның жаңа императоры Нарухитоның таққа отыру рәсімі өтіп жатыр. Салтанатты шараға әлемнің 200 елінің көшбасшылары мен құрметті қонақтар қатысуда.
Нарухито мамыр айынан бастап билікті өз қолына алғанымен, Хризантема тағына ресми түрде бүгін отырады. Аталған күн елдегі билік ауысуын реттейтін ежелгі жапон жыл санағына сәйкес таңдалған. Мерекені атап өту үшін жапон халқына 22 қазанда біркүндік демалыс берілді.
Еске салсақ, кеше Елбасы Нұрсұлтан Назарбаевтың Токиоға келгені туралы хабарланған еді.
Ресми таққа отырғызу рәсімі Император сарайында өтуде. Сондай-ақ сапар барысында Елбасы бірқатар екіжақты кездесулер өткізетіні белгілі.
