Әдебиет • 07 Қараша, 2019

Жыршы-термешілер байқауы өтеді

29 реткөрсетілді

Қазақстан Республикасы Мәдениет және спорт министрлігінің Тіл саясаты комитеті Қазақстан Респуб­ликасында тілдерді дамыту мен қолданудың 2011 - 2020 жыл­дарға арналған мемлекеттік бағдарламасы аясында «Текті сөздің төресі – терме» респуб­ликалық жыршы-терме­шілер байқауын өткізеді.

Байқауда Қазақстан Республика­сының Тұңғыш Президенті – Елбасы Н.Ә. Назарбаевтың 2019 жыл Жастар жылы деп жариялануына және Сүгір жырау Бегендікұлының 125 жылдық мерейтойына орай тақырыптық бағыттардағы шығармаларды еліміздің 14 облысынан және Нұр-Сұлтан, Алматы, Шымкент қалаларынан бір-бір үміткерлер орындап, өз бақтарын сынайды.

Ұйымдастырушылардың айтуынша, ұлттық тәрбие мен халықтық өнерді насихаттауға бағытталған бұл байқаудың басты мақсаты жаңа жыр-термелерді тудыру арқылы жыршылық, термешілік өнерге жаңаша серпін беру және әдеби тілді дамытуға, тіл мәдениетін жетілдіруге үлес қосу.

Іс-шараға өнертанушылар, жыршы-термешілер, қоғам қайраткерлері, зиялы қауым өкілдері қатысады.

Жыршы-термешілермен бірге танымал әншілер өнер көрсететін байқау 9 қараша күні Қызылорда қаласы А.Тоқмағамбетов атындағы мәдениет үйінде өтеді.

 

Соңғы жаңалықтар

Арымас абырой

Руханият • Кеше

Көнеден келген көнек

Руханият • Кеше

Шымбұлақ шаңғы маусымын ашты

Қысқы спорт • Кеше

Атбасар

Руханият • Кеше

Ұқсас жаңалықтар