Қазақстан • 11 Қараша, 2019

Е.Салтыбаев Еуразияның басты 10 сын-қатерін атады

24 реткөрсетілді

Әлемдік экономика және саясат институтының директоры (ӘЭСИ): «Еуразияда геосаяси қарама-қайшылықтың күшеюі байқалғандықтан, ынтымақтастық пен келісімді реттейтін жаңа идеяларға сұраныс туындайды. Осы ретте «Астана клубы» Үлкен Еуразиядағы қауіпсіздік пен ынтымақтастық мәселелерін шешудегі қазақстандық көзқарасты алға тартуда маңызды рөл атқарады.

«Жылсайынғы рейтинг әзірлеу кезінде біз оның ғылыми-зерттеу мәні мен қолданбалы әлеуетін тереңдетуге үлкен назар аударамыз. Биыл бізбен бірге жобаны дайындауға халықаралық сараптама орталықтарының жетекшілері мен беделді саясаткерлер және дипломаттарды қосқанда әлемнің 40 сарапшысы қатысты. Біз сондай-ақ мәселелерге жеке көзқарастарын білдірген сұхбаткерлердің де ауқымын кеңейттік. Былтыр 60 елден 1000-ға тарта азаматтарды қатыстырсақ, биыл 70 елден 1 100 адамды тарттық. Яғни, іріктеме аясы өте кең», деді баспасөз конференциясы кезінде Ержан Салтыбаев.

Бұдан бөлек, қауіп-қатерлер мен сын-тегеуріндер рейтингіне Еуразиядағы «сөнген» қарулы қақтығыс ошақтарының қайта бас көте­руі, сепаратизм мен этностық-діни шие­ле­ністердің өрістеуі, экологиялық және су про­блемаларының ушығуы, кибер­шабуыл­дардың күшеюі және эволюциялануы, жаһан­дық қару жарысының жаңадан өршуі, ірі ядро­лық және техногендік апаттар қаупі кіріп отыр. «Еуразиядағы барлық процестердің дәл ортасында тұрған Қазақстан үшін құрлықтағы елдердің қазіргі қайшылықтардың бейбіт және ымыралы шешімдерін табуы өте маңызды. Сондықтан Еуразиядағы жетекші күш орталықтары арасында тиімді диалог орнату Қазақстанның сыртқы саясатының аса маңызды бір міндеті саналады. Осы тұрғыдан алғанда біз әзірлеген тәуекелдер рейтингі осы диалогтың нысанына айналуға тиіс түйткілді проблемаларды айқындауға арналған», деді Е.Салтыбаев.

Соңғы жаңалықтар

Маңғыстауда «Жыл адамы - 2019» анықталды

Аймақтар • 14 Желтоқсан, 2019

Ақтауда тұрғын үй пайдалануға берілді

Аймақтар • 14 Желтоқсан, 2019

Атыраулықтар тағы да үздіктер қатарында

Аймақтар • 13 Желтоқсан, 2019

Ұқсас жаңалықтар