Бағдарламалар • 12 Қараша, 2019

«7-20-25»: 10 мыңнан аса қазақстандық займ алды — Ұлттық банк

48 реткөрсетілді

Премьер-Министр А. Маминнің төрағалығымен өткен Үкімет отырысында Ұлттық банк төрағасы Е. Досаев 2019 жылғы қаңтар-қазан айларындағы ақша-несие саясатының іске асырылуы туралы баяндады. Бұл туралы primeminister.kz хабарлады. 

Е. Досаев атап өткендей, жылдық инфляция біздің күтуімізге сәйкес қалыптасуда және қазанның қорытындысы бойынша 5,5% болды.

Ақылы қызметтерге баға мен тарифтердің өсуі тарихи ең төмен деңгейде қалуда – жылдық көрсетуде 0,8%. Реттелетін қызметтерге тарифтер қазанда жылдық көрсетуде 7,7%-ке төмендеді.

Жыл соңына дейін инфляция деңгейі 5,7-5,8%, яғни 4-6% таргеттелетін дәлізде бағаланады.

«Осы факторларды ескере отырып, Ұлттық Банк 28 қазанда базалық ставканы 9,25% деңгейде және +/- 1 пайыздық тармақ дәлізде сақтады. Ақша-кредит саясаты шаралары шеңберінде Ұлттық Банк айналыстағы ноттар көлемін мамыр-қазан аралығында 30,1%-ға 4,3 трлн теңгеден 3,0 трлн теңгеге дейін қысқартты. Нәтижесінде банктер артық өтімділікті кредиттеуге және экономиканы басқа қаржыландыруға қайта жіберді», — деді Ұлттық банк төрағасы.

Алдын ала қорытынды бойынша, 9 айда төлем балансы ағымдағы шотының дефициті өсіп, 2018 жылғы 9 айдағы $1,8 млрд-пен салыстырғанда $4,7 млрд құрады.

Тікелей шетелдік инвестициялардың таза әкелінуі өткен жылғы көрсеткіш деңгейінде қалыптасып, $5,1 млрд доллар болды. Ол бейрезиденттердің кірістерін қайта инвестициялаумен және резиденттердің шетелдік еншілес ұйымдарынан капиталын қайтаруымен қамтамасыз етілді.

Портфельдік инвестициялар бойынша капиталдың таза әкетілуі 13,0%-ға азайып, 2019 жылғы 9 айда $2,6 млрд болды. Капиталдың әкелінуі Қаржы министрлігінің 3-тоқсанда 1,15 млрд еуроға еурооблигациялар шығарумен және «Қазатомөнеркәсіп» ҰАК» АҚ-тың жаһандық депозитарлық қолхаттарын сатумен қамтамасыз етілді.

Е. Досаевтың айтуынша, несиелендірудің өсуі артуда.

«Жыл басынан бері жалпы кредиттік портфель қыркүйектің соңында 2,3%-ке 13,4 трлн теңгеге дейін өсті. 1-тоқсанда банктерді қалыпқа келтіру нәтижесінде жұмыс істемейтін қарыздар есептен шығарылған соң сәуір-қыркүйекте кредиттеудің өсуі 7,4% немесе 921,8 млрд теңге болды», - деді Е. Досаев. 

Заңды тұлғаларға кредиттер көлемі 1,7%-ға немесе 121,7 млрд теңгеге өсті. Жеке тұлғалардың кредиттік портфелі 14,7%-ға немесе 800 млрд теңгеге өсті. Ұзақ мерзімді кредиттер қыркүйек қорытындысы бойынша 11,4 трлн теңге, қысқа мерзімді кредиттер 2 трлн теңге болды.

«7-20-25» бағдарламасын іске асыру шеңберінде 7 қарашадағы жағдай бойынша 10 676 отбасы 122,8 млрд теңге сомаға қарыз алды. 

Экономиканың басым салаларын жеңілдікпен кредиттеу бағдарламасын (600 млрд теңге) іске асыру жалғасуда. 1 қарашадағы жағдай бойынша банктерде 248,3 млрд теңгеге 393 жоба қаралуда, 142,3 млрд теңгеге 224 жоба мақұлданды, 55,5 млрд теңгеге 147 қарыз берілді.

Соңғы жаңалықтар

Басылым басшылары - Жүсiпбек АЙМАУЫТОВ (1889-1931)

Басылым басшылары • Бүгін, 17:42

Басылым басшылары - Смағұл СӘДУАҚАСОВ (1900-1933)

Басылым басшылары • Бүгін, 16:53

Алматыда Абай клубы ашылды

Руханият • Бүгін, 16:22

Басылым басшылары - Бернияз КҮЛЕЕВ (1899-1923)

Басылым басшылары • Бүгін, 14:55

Басылым басшылары - Тәмимдар САФИЕВ (1892-?)

Басылым басшылары • Бүгін, 11:28

Атыраулықтар тағы да үздіктер қатарында

Аймақтар • 13 Желтоқсан, 2019

Ұқсас жаңалықтар