Сарыөзек ауылында салынған жаңа үйдің құрылысына жергілікті бюджеттен 285 500 теңгеқаржы бөлініпті. Ал тұрғын үй алабының инженерлік-коммуникациялық желілерін жасақтау үшін 106 756 теңге қаражат қарастырылған екен.
- Сарыөзекте жаңа шағын ауданда бой көтерді. «Нұрлы жер» мемлекеттік бағдарламасы бойынша салынған 18 тұрғын үй иесін тапты. Баспана негізінен аз қамтылған, көпбалалы отбасыларға, мүмкіндігі шектеулі жандарға, Ауған соғысының ардагерлеріне, мұғалімдер мен дәрігерлерге, және мемлекеттік қызметкерлерге берілді. Тұрғындарды баспанамен қамтамасыз ету жұмысы алдағы уақытта да жалғаса береді. Қазір ауданда сегіз жүзден аса адам үй кезегінде тұр, оның арасында 148 көпбалалы ана бар, - дейді Кербұлақауданының әкімі Махаббат Бигелдиев.
Жалпы, ауыл шаруашылығына арқа сүйеген Кербұлақ өңірі биылғы жылды табыспен қортындылап отыр. Ауданда өндірілген агроөнеркәсіп өнімдері 35 миллиард теңгеден асып, жыл басында болжанған көрсеткіш асыра орындалған.
Ауыл шаруашылығы саласын қаржылай қолдаудың нәтижесінде диқан мен шаруаның ісі оңға басты. Биылдың өзінде 3 шаруа қожалығы мен 12 жеке кәсіпкер 65 миллион теңге көлемінде жеңілдетілген несие алған. Бұл өз кезегінде аудандағы жер игеруге жан бітіріп, егістік алқабының көлемі ұлғайтқа. Мал шаруашылығы да дамып, төрт түлік тұяғы көбейді. Өнеркәсіп те ілгерлеуде. Аудандағы оншақты қайта өңдеу кәсіпорны 17 000 тонна шикізатты өңдеп, 9 690 тонна өнім шығарған екен.
