Руханият • 22 Желтоқсан, 2019

Мажарлар ежелгі түркілердің Карачун мерекесін атап өтті

36 рет көрсетілді

Мажарлар ежелгі түркілердің Карачун мерекесін атап өтті. Бұл мейрам Қазақстанда Нартуған деген атпен танымал. Бұл туралы ҚазАқпарат хабарлады.

Карачун ең көне еуразиялық әдет-ғұрып болып саналады, осы орайда қысқы күн тоқырауы мейрамы тойланады. Карачунді «қара түн», сондай-ақ «қара шың» деп түсіндіруге болады.

Осы мереке аясында қатты аязды түнді өткергеннен кейін, үлкен алау жағылып, оның шоғымен жерді қыздырған. Осыдан соң келесі күні жаңа кезең басталды деп есептелген. Яғни, түн біртіндеп қысқарып, табиғат жаңа кезеңге өтіп, бұл мерзім Наурызға дейін жалғасады.

Бүгінде Карачун мажар елінде атап өтілуде. Олар ежелгі түркі сөзіне сүйене отырып, «Карачон» дейді.

Мереке бағдарламасы бойынша, мажарлар бүкіл ел аумағында үлкен алау жағып, шаман әндерін шырқайды. Бұл рәсімнің мәні - жарық сәуленің жылдың ең ұзақ түнін тезірек жеңіп, қайта жарқырауына жәрдемдесуде.

Айта кетейік, «Мадияр-Тұран» қоры соңғы жылдары дәстүрлі түрде Карачунді мерекелеуді ұйымдастырып келеді.

Соңғы жаңалықтар

COVID-19-дан барлығы 375 адам қайтыс болды

Коронавирус • Бүгін, 08:54

Жауапкершілік танытайық

Пікір • Бүгін, 07:35

Ұқсас жаңалықтар