Медицина • 21 Қаңтар, 2020

Флюорографиялық тексеруден өту маңызды

46 реткөрсетілді

Жуырда белгілі бір мекемеде қауіпсіздікке тексерілу мақсатында қойылған құрылғыдан аяғы ауыр қызметкер әйелді өтуге мәжбүрлеген күзет сақшыларының әрекеті қоғам тарапынан сынға ілікті. Әлбетте, дәрігерлер жүктілік мерзімінде сәулелену қаупі бар барлық құрылғылардан аулақ жүруге кеңес береді. Алайда бүгінде стратегиялық маңызы бар кейбір мекемелердің қызметкерлері арасында аталған мәселе оңтайлы шешімін таппай отырған сыңайлы.

Қоғамдық денсаулық сақтау ұлттық орталығы Инфекциялық емес аурулардың алдын алу департаментінің скринингтік бағдарламаларды мониторингілеу бөлімінің бас маманы Гүлжан Коңыршинаның айтуынша, жүкті әйелдер, әсіресе бірінші триместрде флюорографиядан өтуіне тыйым салынады. Сондықтан оларға кез келген сәулелену қаупі бар құрылғыдан өту де қауіпті.

Осы орайда флюорографиялық тексерілуді неше жастан бастап өтуге болатыны, жылына қанша рет өту қажеттігі кез келген адамға қажетті ақпарат екені даусыз.

«Кеуде қуысының флюорографиясы – кеуде қуысы мен өкпе органдарын рент­ге­но­логиялық тексерудің профи­лак­тикалық және диагностикалық әдісі. Кеу­де қуысының флюо­рографиясы обырды, туберкулезді және өкпенің ауруларын анықтау үшін скринингтік зерттеу болып табылады», деді Г.Коңыршина.

Маманның ақпараты бойынша, флюо­рография диагностикалық мақсатта жылына 1 рет барлық ересектер мен 15 жас­тан бастап жасөспірімдерге жүргізіледі. Алайда осы тексеру жиі жүргізілетін адамдар тобы бар (жылына 2 рет). Бұл санатта «зиянды өндірісте» жұмыс істейтін адамдар (болат құю, кен өндіру, резеңке, асбест, полипропилен өндіру зауыттары, сондай-ақ химиялық кәсіпорындар), балалармен жұмыс істейтін адамдар (педагогтер, тәрбиеші), перзентханалардың, тубер­кулезге қарсы диспансерлердің, ин­фекциялық бөлімшелердің және пери­на­талдық орталықтардың медицина қыз­мет­кер­лері және созылмалы патологиялары бар емделушілер (демікпе, қант диабеті, өкпенің созылмалы обструктивті ауруы және т.б.). Дәрігерлердің айтуынша, барлық рентгенологиялық зерттеулерді 14 жасқа дейінгі жасөспірімдерге өтуге болмайды. Сонымен қатар 15 жасқа толмаған тұл­ға­лар және жүкті әйелдерге де тыйым са­лы­нады. Жалпы, флюорография әйел­дерде босанғаннан кейінгі алғашқы күн­де­рі туберкулезді анықтау мақсатында жүр­гі­зіле­ді. Процедурадан кейін сүт порциясын сүзіп тастап, содан кейін ғана баланы емізуді жал­ғас­тыруға болады.

Гүлжан Қоңыршина атап өткендей, флюорография арнайы дайындықты қажет етпейді және кез келген уақытта өткізіледі. Зерттеудің негізгі қағидаларына тоқталар болсақ, зерттеу жүргізер алдында бірнеше сағатқа темекі шегуден бас тарту керек – бұл анық және айқын көріністі алуға мүмкіндік береді. Емшара басталғанға дейін дененің жоғарғы бөлігін ашып, емшара алдында барлық металл заттарды (шынжырлар, кулондар, т.б.), сондай-ақ бет пен денеден құрамында металл бар косметиканы алып тастау керек. Әйелдерге бюстгальтер шешуді немесе ілгекті шолуға түспеу үшін белге түсіруді талап етеді, сондай-ақ ұзын шашты суретке кедергі жасамауы үшін төбеге жинап тастау ұсынылады. Зерттеу тек тік жағдайда жүргізіледі, сондықтан бұл жатқан науқасқа тағайындалмайды. Флюоро­гр­афия кезінде рентгенологтың барлық ұсы­ныс­тарын дәл орындау керек. Сурет барынша терең демалғанда жасалады, бұл кезеңде өкпе жақсы ашылып, толық суретті алуға мүмкіндік береді.

Әрине өкпе флюорографиясы патология туралы нақты ақпарат бермейді, бірақ өкпе тіндеріндегі өзгерістерді, сұйықтықтар мен жаңа өскін жасушаларының пайда болуын дер кезінде диагностикалауға мүмкіндік береді.

 

 

Соңғы жаңалықтар

Бейбітшілікке үндейтін бастама

Аймақтар • Бүгін, 11:03

Мол өнім кепілі - сапалы тұқымда

Аймақтар • Бүгін, 09:05

Еңбекақы көлемін ұлғайтты

Аймақтар • Бүгін, 07:26

Бабыр баба шапаны

Таным • Бүгін, 07:23

Олар ешкімнен кем емес

Руханият • Бүгін, 07:18

Жалғыз қолмен жиһаз жасайды

Аймақтар • Бүгін, 07:17

Заманауи кәріз жүйелері керек

Аймақтар • Бүгін, 07:13

Сергелдеңге салған сертификат

Аймақтар • Бүгін, 07:02

Сазгердің «Мәңгі көктемі»

Таным • Бүгін, 06:58

Ер қазақ еді Ераға

Таным • Бүгін, 06:56

Еліміздегі ең алып кітап

Аймақтар • Бүгін, 06:55

Тағайындау

Президент • Бүгін, 06:50

Жұрт тілегі назарға алынды

Аймақтар • Бүгін, 06:24

Сот ісін жүргізу цифрландырылады

Парламент • Бүгін, 06:13

Ұқсас жаңалықтар