Қазіргі таңда жергілікті бюджет қаражаты есебінен Ақтау мен Құрық порты аралығындағы теңіз жағалауының инфрақұрылымын дамыту, оның ішінде электр қуатымен, сумен, газбен қамту жұмыстары жүргізілуде. Сонымен қатар Ақтау қаласынан «Алау» балаларды сауықтыру лагеріне дейінгі 4 жолақты қозғалыстағы, одан әрі Құрық паромдық кешеніне дейінгі 2 жолақты қозғалыстағы автожолдың құрылысын салу және қайта құрылымдау бойынша қарқынды жұмыстар жүргізілуде.
Айта кетейік, былтыр Маңғыстау өңіріне келген турист саны 200 мыңнан асты. Оларға көрсетілген қызмет көлемі 4,1 млрд теңгені құрап, 104,3%-ға өскен.
Маңғыстау облысы
