«Кеше айтқанымыздай, 2 науқас коронавирустан айығып, ауруханадан шықты. Олардың біреуі Алматы, екіншісі Нұр-Сұлтан қаласында. ДСМ мәліметі бойынша осы ақпарат тараған соң, БАҚ өкілдері пациенттер туралы өте көп сұрап, хабарласқан. Сондықтан дәрігерлік құпияны сақтау жөнінде тағы да еске саламыз. Ешкім коронавируспен ауырған адам ретінде аты шыққанын қаламайды. Бұл адамдардың барлығы өз азаматтарымыз. Олардың өзіне қатысты жеке мәліметтерді жарияламауға құқығы бар. Біз оны сыйлауымыз керек», деді Д.Абаев.
Сондай-ақ ол егер де емделген адамдар жайында ақпарат табылған болса, пациенттің өзінен рұқсат алу міндетті екенін атап өтті.
«Егер ол адамдар туралы қандай да бір ақпарат тапсаңыздар, ол кісілердің рұқсатынсыз жариялаумауды сұраймыз. Науқастарды емдеу тәртібі туралы журналистерге дәрігерлер айтып береді. Біз мұндай сұқбатты әрқашан ұйымдастыруға дайынбыз», деді министр.
