Сонымен, «Күнделік» ААЖ электрондық журналдар мен күнделіктер жүйесі (https://kundelik.kz) Қазақстан мектептеріне 2020 жылдың сәуір-мамыр айларында тәулігіне шамамен орташа 1 млн адамның «сабаққа барғанын» тіркеді, бұл 2019 жылғы сәуір мен мамыр айларының сәйкес кезеңімен салыстырғанда 2 есе көп деген сөз. Бұл көрсеткіштің тарихи шыңы 6 сәуірде тіркеліп, бір тәулікте жүйені пайдаланғандар саны 2 млн болды. Оқу жылының соңғы тоқсанының барлық кезеңінде орташа алғанда, сайт парақшалары мен функционалын тәулік ішінде қарау 21 миллионды (6 сәуірде тарихи шыңы тәулігіне – 49 млн қарау, күніне 3,2 млн адам кіріп) құрады.
Жүйеде 330 мыңнан астам мұғалім белсенді жұмыс істеді, олар соңғы тоқсанда 134 миллионға жуық баға қойып, 20 миллиондай үй тапсырмасын таратқан. 2,8 млн оқушы үй тапсырмасын орындап, жүйеге файлдарды қосып, 2,1 миллионнан астам ата-ана өз баласының немесе балаларының үлгерімін көре алды.
Жалпы алғанда «Күнделік» ААЖ жүйесінде 5.5 миллионнан астам пайдаланушы тіркелген, олардың 95% -ы жүйені белсенді қолданыпты.
Егер ақиқатын айтар болсақ, қашықтан оқыту форматы білім беру процесінің барлық қатысушыларына: мұғалімдер, оқушылар мен ата-аналарға бірақ қиындықтар алып келді. Қарым-қатынас біркелкі емес, ала-құла болды. Жалпы алғанда, мектептің орта және жоғары сыныптарында ақпаратты қашықтықтан қабылдауға көшу және қарым-қатынас оң болғанымен, бірақ бастауыш сыныптар арасында оқыту процесі күрделі болды.
БЖБ және ТЖБ кезеңінде «Күнделік» ААЖ қызметтеріне қажеттілік бұрынғыға қарағанда күрт өсті. Өйткені, бақылау сұрақтарын ұсыну және файл түрінде тіркелген оқушылардың жауаптарын алу, білім нәтижелерін бағалау онлайн режимге көшкені белгілі. Оқушылармен кері байланыс қызметі қашықтан білім беру форматында ең танымал болды. Үй тапсырмалары, БЖБ және ТЖБ түріндегі бақылау, тест сұрақтары бойынша аталмыш функционалды пайдалану көрсеткіштері осы аралықта 2019-2020 оқужылының 3 тоқсанымен салыстырғанда 119 есе жоғары болды.
«Күнделік» ААЖ жүйесі қашықтан білім беруде ең үздік білім бағдарламалары, жобалары енгізілген «Мектеп Online», Алматы қаласындағы Республикалық физика-математикалық мектебі, Ы.Алтынсарин атындағы Ұлттық білім академиясы (ТЖТ мен ТЖБ эталондық мысалдары), сондай-ақ Алматы қаласы Білім басқармасының білім беру контенті, «Daryn.Online» сияқты Қазақстандағы базалық білім берудің онлайн платформасына айналды.
Қашықтықтан білім беру форматы Қазақстанда білім беру қызметтерін ұсынатын түрлі мемлекеттік және коммерциялық ұйымдар арасындағы өзара табысты өзара ынтымақтастыққа жол ашып берді.
Соңғы уақытта мемлекетіміз сандық ресурстарды пайдаланушыларды қолдауда бұрын-соңды болмаған шаралар қабылдады. Қазақстанның барлық білім беру жобалары үшін тарифсіз, яғни шығындалмайтын интернет арнасы берілді, осылайша пайдаланушылар «Күнделік» ААЖ сияқты ресурстарға кіріп, өздерінің интернет топтамаларындағы мегабайттарын үнемдеді. Төтенше жағдай кезінде, алыққа бұл да үлкен көмек болғаны айту керек.
Күнделік жүйесі төртінші тоқсанда екі министрліктің: ҚР Білім және Ғылым министрлігі мен ҚР Цифрлық даму, инновация және аэроғарыш өнеркәсібі министрлігінің жұмысы арқасында бөлінген кеңжолақты интернет-арнасын ның кеңейтті. Бұл шара жоғары жүктеме кезінде сапалы жұмыс істеуге мүмкіндік берді.
Бірақ әлі де интернет желісімен қамту жылдамдығы әлсіз – соңғы миль (lastmile) проблемасы – бұл елдің телекоммуникациялық инфрақұрылымын жолға қою мәселесін одан әрі пысықтауды және оны шешуді талап ететін міндет. Осыған байланысты, Қазақстан Президенті Қ.Тоқаев халықтың интернетке қолжетімділігін жақсарту, өмірдің барлық салаларында цифрлық шешімдерді кеңінен енгізу туралы шешім қабылдады. Білім беру жүйесі осы бағытта бірінші болып, карантиннің алғашқы күнінен бастап Қазақстанның 7 мыңнан астам мектебін қашықтан оқытуды бастады.
Міне, үш жыл қатарынан Қазақстанда «Күнделік» ААЖ толыққанды жұмыс істеп келеді. Биылғы оқу жылын аталмыш жүйе жақсы көрсеткіштермен аяқтады. Осынау бұл жетістіктерді халықаралық рейтингтер айғақтайды. Қазақстанның да білім беру саласында әлемдік рейтингтерге енген Learning Management System (LMS) сияқты өзінің жеке жүйесі бар. Мысалы, Similar Web және Alexa интернетінің әлемдік ірі есептеуіштері білім беру жүйелері арасында рейтингтерді анықтайды. Өз кезегінде «Күнделік» ААЖ әлемнің білім беру жүйесіндегі ТОП 50 ресурсының қатарына көтерілді (41 орын). Егер Amazon деректері бойынша елдегі статистиканы қарайтын болсақ, «Күнделік» ААЖ тек Google мен YouTube-қа ғана жол беріп, әлемдегі танымал онлайн ресурстарды артта қалдырады.
АЛМАТЫ
