Ғылым • 04 Маусым, 2020

«Қазақстан ғылымы» бірыңғай ақпараттық жүйесі жасақталады

444 рет
көрсетілді
1 мин
оқу үшін

Бұл жөнінде Білім және ғылым министрі Асхат Аймағамбетов халыққа онлайн есеп беру жиынында айтты.

«Қазақстан ғылымы» бірыңғай ақпараттық жүйесі жасақталады

«Алдағы уақытта «Қазақстан ғылымы» бірыңғай ақпараттық жүйесі (ҚҒБАЖ) әзірленіп жатыр, онда ғылыми қызметкерлердің деректер базасы мен ғылыми дәйексөздің қазақстандық индексі ұсынылады. Әрбір отандық ғалымның ҚҒБАЖ-де өз жарияланымдарының тізімі, аяқталған және іске асырып жатқан зерттеулерінің қысқаша сипаттамасы берілген өзекті профайлы болады. Сондай-ақ гранттың немесе бағдарламаның мақсаты, қаржыландыру сомасы, нәтижелері, бастапқы өтінім мен есептерге өзгерістер енгізу кезеңдері көрсетілген, мемлекеттен қаржыландырылған барлық жобаның ашық базасы құрыла бастады. Бұл базалар тиімді басқару шешімдерін қабылдау үшін қазақстандық ғылымның даму жағдайы, үрдістері мен проблемалары туралы объективті ақпарат жинауға мүмкіндік береді», деді министр. 

Соңғы жаңалықтар

Су үнемдейтін қондырғы

Технология • Кеше