Онлайн бас қосудың пленарлық отырысында алдымен құттықтау сөзді ҚазҰАУ ректоры, академик Тілектес Есполов алды. Отырысқа Еуропа, Азия мен АҚШ-тың 100 шақты университеті мен ғылыми орталықтарының өкілдері қатысып, 24 шетелдік сарапшы сөз алды. Оның ішінде Болгариядағы Ангел Кънчев атындағы Русенск университетінің ректоры Х.Белоев та бар.
Жазғы мектеп 14 бағыт бойынша ұйымдастырылса, тек қана академик С.Кешуов жетекшілік еткен «Инновациялық технологиялар және ауылшаруашылығындағы техникалық құралдар» бағытына 150-ден астам Қазақстан, Армения, Беларуссия, Болгария, Қырғызстан, Ресей және Өзбекстанның магистранттары қатысты.
ҚР Президенті Қасым-Жомарт Тоқаевтың тапсырмаларына сәйкес, мемлекетіміздің алдында агроөндірістік кешендері саласында цифрландыру және инновациялық технологиялар мен техникалық құралдарды меңгеру міндеті тұр. Сондықтан биылғы Халықаралық жазғы мектептің міндеті мен мақсаты да «Инновациялық технологиялар және ауылшаруашылығындағы техникалық құралдар» тақырыбының ауқымын кеңейту болды.
Осыған сәйкес, жаздық мектеп «Агроөндірістік кешендердегі АТ-технологиялар, автоматтандыру мен механизация» факультетін дамытудың бүгінгі жағдайы мен келешегіне қатысты сауалдарды қамтыды. Сондай-ақ Қазақстан-Беларуссия агроинженерлік инновациялық орталығы мен жоғарыквалификациялық инженерлік кадрлар дайындаудағы ғылыми-өндірістік агроинженерия орталығының, ауылшаруашылығындағы ақпараттық-цифрлық технологиялар, ауылшаруашылығына арналған машиналар мен құралдар, машиналардың диагностикасы мен ресурсын көтеру, энергия үнемдеу, күн энергиясы, инженерлік экология сынды басқа да салалық мәселелер талқыланды.
Жазғы мектепке қатысушылар әсіресе, Ангел Кънчев атындағы Русенск университетінің профессоры П.Даскаловтың нақты ауылшаруашылығында инновациялық ақпараттық және компьютерлік технологияларды басқаруға байланысты проблемалық мәселелерге құрылған лекцияларына қызығушылық танытты.
Сонымен қатар Ташкент аграрлық университетінің профессоры И.Сапаев, К.И.Скрябин атындағы Қырғыз Ұлттық аграрлық университетінің профессорлары Ы.Осмонов пен Н.Темирбаев, Алматы энергетика және байланыс университетінің профессоры И.Әлдибеков, Ғылыми-өндірістік агроинженерия орталығының профессорлары О.Жортуылов пен Т.Әбілжанұлы лекция оқыды.
Осы арада жазғы мектепке қатысушылар мен лекторлардың жоғары деңгейде ұйымдастырушылық танытқанын атап өткен жөн. Олардың әрқайсысы да аграрлық сектор арқылы өз елдерінің дамуына мүдделестік танытты.
Ал лекция материалдары ғылыми-зерттеу жұмыстарды жүргізу мен тәжірибелік міндеттерді шешу барысында қолданылады. Ең бастысы, Халықаралық жаздық мектептің атмосферасының өзі қатысушыларға өзара тығыз достық байланыс орнатып, селбесіп жұмыс істеуіне ұзақ жылдарға жол ашады.
Сонымен қатар Халықаралық жазғы мектеп-2020-ға қатысушылар STARTUP жобаларына қатысуға, ауылшаруашылығы саласы мен техникалық ғылымдағы іргелі және қолданбалы зерттеулердің өзекті мәселелеріне арналған ғылыми мақалалаларын Қазақ Ұлттық аграрлық университетінің ғылыми журналында жариялауға мүмкіндік алады.
Ал жаздық мектепті онлайн түрінде өткізу де өз кезегінде заманауи ақпараттық тенологиялардың жетістіктері мен қашықтан білім беру форматының техникалық мүмкіндіктерін пайдалануға жол ашып қана қоймай, оның географиялық ауқымын да ұлғайтты. Онлайн мектепте қазіргі ауылшаруашылығы өндірісінің мәселелеріне қатысты сауалдарға жауаптар берілді.
АЛМАТЫ
