1-сыныпқа құжаттар қашықтан қабылданады

Білім беру ұйымдарына құжаттар Эл­ектронды үкімет порталы арқылы қа­былданады. Бұл 1-сыныпқа баратын баланың құжаттарын тапсыруға да қатысты. Сондай-ақ бұрынғыдай дәс­түрлі түрде мектепке барып та құ­жат тапсыра алады. Ол үшін сани­та­рия талаптары толығымен сақ­тал­уы тиіс.

Министрлік пандемияның өршіп кетуіне байланысты ата-аналардың, ба­лалардың денсаулығына қауіп ту­дырмау үшін egov.kz арқылы құ­жат тапсыруға мүмкіндік жасап отыр. Білім және ғылым министрі Асхат Аймағамбетов осы мәселеге қатыс­ты: «Бізде баланың мектепке бару­ы отба­сылық мерекеге айналған ғой. Бала­мен бірге әке-шешесі ғана емес, ата-әжесі де қосақтала жүретін от­ба­сы­лар бар. Бірақ биыл мұндай ер­­кін­дікке мүмкіндік жоқ. Бұл – бі­рін­­шіден, сол ата-аналар мен бала­лар­­дың, екіншіден, құжаттарды қа­был­дайтын әріптестеріміздің ден­сау­­л­ығы. Сол себепті елдегі жағдай оңа­лып кеткенше бәрімізге ортақ та­лапты мейлінше сақтауымыз керек», деді. Біздіңше, баланың ден­саулығы туралы медициналық анық­та­маны жағдай тұрақталғанда, оқу жылы басталғанда тапсыруға рұқсат беріліп отырғаны ата-аналарға кө­мек болғалы тұр. Сонда ата-ана­ның (не­месе оларды алмастыратын тұл­ға­­лар­дың) өтінішін; баланың туу туралы куә­лігінің көшірмесін; 3х4 көле­­мін­де­гі 2 дана фотосуретті тапсыру ғана қа­лады.

Айта кету керек, 1-сыныпқа құ­жат­тар 1 маусымнан бастап қабыл­да­нып жатыр, бұл жұмыс 1 тамызға дейін жалғасады. Өтініш бір жұмыс күні ішінде қарастырылады.

Колледж талапкерлері емтихан тапсырмайды

Кәсіптік-техникалық білім беру ұйым­­дары 20 маусымнан бас­тап талап­­керлердің құжаттарын қа­был­дау­ды бастады. Құжат қабылдау 25 тамызға дейін жалғасады. Мұнда да талапкерлер құжаттарын Элект­рон­ды үкімет порталы немесе кол­лед­ждердің ресми сайттары арқылы тап­сыра алады.

Колледждерге талапкерлерді қа­­­был­­дауға қатысты бір жаңалық – биыл қабылдау емтихандары бол­май­­­ды. Конкурс аттестаттың мін­детті және бейінді пәндерінің жиын­тық балы бойынша жүргізіледі. Педа­­го­ги­калық, медициналық және шы­ғар­­ма­шылық мамандықтар үшін ар­на­йы кон­курстар өткізіледі.

Бұл да пандемияға байланысты қабылданған шешім болса керек. Әлде бұдан былай да осы ба­ғыт­та оқуға қабылдана ма? Биыл ғана қолға алынған емтихансыз қа­был­дау қаншалықты әділетті? Жур­на­листермен өткен онлайн бри­фин­гте осы сұрақтарды Білім және ғылым ми­нистріне қойдық. Сонда Асхат Аймағамбетов: «Біз бұл шешім­ді негізі ертерек, наурыз айында қа­былдадық. Бірақ әріптестерге кон­курстың аттестаттағы міндетті және бейінді пәндердің жиынтық балы бойынша жүргізілетінін ашық айтпадық. Оқу жылының аяқта­лып, аттестат, куәліктердің өз иеле­рі­не жеткенін күттік. Мұндағы мақ­сатымыз – әділдіктің болуын қам­та­масыз ету, талапкерлердің оқуға түсу үшін жақсы бағаға біті­ру­ге ұмтылуын болдырмау еді. Сол ниетпен біз бұл шешімді мау­сым айында ғана жарияладық», деп жауап берді. Министрдің мәлім­де­уінше, қабылдау емтихандары биыл пандемияға байланысты өткі­зіл­мейді. Ал алдағы уақытта колледж талапкерлеріне де жоғары оқу орын­дарына қабылдаудың талап­та­рын­да белгіленген мүмкіндік беріл­мек. Яғни кәсіптік-техникалық білім беру ұйымдарына оқуға түсу үшін бір­ың­ғай тестілеу ұйым­дас­ты­ры­ла­ды, талапкер соның нәти­же­сін­де алған сертификатымен қалаған колледжіне құжат тапсыра алады.

Магистратураға өтініш беру бүгін аяқталады

15 маусымнан басталған ма­гис­тр­атураға түсу өтініштерін қабылдау уақыты 15 шілдеде аяқталады. Ал докт­орантураға түсу өтініштерін қабылдау 3 шілдеден 3 тамызға дейін жүр­гізіледі. Жоғары оқу орнынан кейінгі білім алғысы келетін талапкерлер өз өтініштерін Электронды үкімет порталы, яки Ұлттық тестілеу орта­лығының www.testcenter.kz сайт­ындағы «магистратура және докторантураға түсушілерге» санатына өтіп, Digital ID-сандық төлқұжат (жеке басын растайтын құжат) жасап, одан әрі қажетті құжаттарды жүктеп, өтініш бере алады.

Магистратураға түсу емтихандары электронды форматта 1-15 тамыз, ал докторантура бойынша тестілеу 4-20 тамыз аралығында өткізіледі.

Биыл пандемияға байланысты магистратура мен докторантураға түсу үшін Duolingo және IELTS INDICATOR онлайн тестілердің сер­тификаттарын қабылдауға рұқ­сат берілді. Бұған дейін аталған халық­ара­лық сертификаттардың қағаз тү­рін­дегі түпнұсқасы қабылданатын.

Магистратураға түсу үшін халық­ара­лық сертификаттарды ұсынуға немесе кешенді тестілеу (КТ) барысында шет тілінен тест тапсыруға болады. IELTS INDICATOR бойынша шекті балл 6,0-дан, Duolingo English Test бойынша – 95-тен кем болмауы қажет.

Докторантураға түсу үшін талапкерлер шет тілін меңгергенін рас­тай­­тын сертификатты былтырдан бері міндетті түрде тапсыруы тиіс. IELTS INDICATOR бойынша шекті балл – 5,5-тен, Duolingo English Test бо­йынша – 85-тен аз болмауы керек. Бұл ретте IELTS INDICATOR сер­ти­фикатының қолданылу мерзімі 2 жылға, Duolingo English Test сертификаты 1 жылға дейін жарамды еке­нін естен шығармаған жөн.

Еске сала кетейік, меди­ци­на­лық анықтамаларды алу бойын­ша туын­дап жат­қан қиын­дық­­т­арға қарай меди­ци­на­лық анық­­тамаларды білім беру ұйым­­да­ры­ның бәріне – бала­бақ­шаға, мектеп­ке, колледждер мен уни­вер­­ситеттерге кейінірек, анығы оқу жылы басталғанға дейін өткі­зу­ге рұқсат.