Қазақстан • 29 Шілде, 2020

Жас ұшқыштар жойғыш ұшақтармен оқу-жаттығу ұшуларын орындады

15 рет көрсетілді

Қазақстанның батысында жауынгерлік даярлық жоспарына сәйкес Су-27 экипаждарының оқу-жаттығу ұшулары өтті. Жас ұшқыштар жойғыштармен әуеге және берілген бағыт бойынша ұшуды орындап, ұшудың ең қиын элементі болып табылатын қонуды пысықтады, - деп хабарлайды Egemen.kz.

Ұшқыштар қонуды орындау кезінде ұшу жылдамдығын, желдің бағыты мен күшін дұрыс есептеуі қажет, бұл ретте қону жолағына түскенге дейін біртіндеп төмендеуін жүргізу қажет.

"Оқу-жаттығу ұшулары – бұл барлығымыз үшін маңызды оқу кезеңі болып табылады. Өйткені жауынгерлік әзірлікті қамтамасыз ету жылдың және тәуліктің кез келген уақытында, кез келген метеорологиялық жағдайда қойылған міндеттерді орындаудағы білімі мен дағдыларына байланысты", – деп атап өтті майдан авиациясының авиациялық эскадрилья командирінің орынбасары майор Азамат Қоныспаев.

Өзінің тәжірибесімен майдан авиациясының авиациялық буынының аға ұшқышы аға лейтенант Әли Әділбеков бөлісті.

"Мұндай ұшақты басқару үлкен жауапкершілікті талап етеді. Әуе кемесін сезінуге, берілген командаларға және жермен радиоалмасу нұсқауларына бағдарлану үшін ұзақ және қажырлы жаттығу қажет. Оны жүзге асыруға маған тәжірибесі мол ұшқыш-нұсқаушыларыым көмектеседі", - деді ол.

Оқу кезінде жойғыш ұшақты басқару процесі тренажерлерде және жаяу ұшу кезінде пысықталды. Содан кейін жас ұшқыштар жауынгерлік машиналарда өз міндеттерін орындай отырып, алған дағдыларын іс жүзінде тәжірибеде алғаш рет қолданды.

Әуедегі маневрлердің дұрыс орындалуын тәжірибелі ұшқыш-нұсқаушылар, бірінші сыныпты әскери ұшқыштар бақылайды. Әуеайлақтың үстінен ұшу кезінде жас ұшқыштар өздерінің тәлімгерлерінің аспандағы іс-әрекеттерін, бағдарлар мен жердегі объектілердің орналасуын есте сақтайды.

Бірте-бірте ұшу тапсырмалары күрделене түседі. Бұдан әрі ұшқыштар қарапайым және күрделі метеожағдайларда оқу міндеттерін пысықтауы, штаттық және төтенше жағдайларда өз дағдыларын жетілдіруі, сондай-ақ экипаждар құрамында дербес ұшуға кірісуі тиіс. Жас офицерлер теория, практикалық дайындық бойынша сынақ тапсырып, ұшуға рұқсат алды.

Сонымен қатар ұшу даярлығы бойынша сабақтар тәжірибелі әскери ұшқыштарға да өткізіледі. Олар Каспий теңізі акваториясының үстінде жауынгерлік машиналарды ұшу дағдыларын қолдау бойынша жеке ұшу тапсырмаларын орындайды.

Соңғы жаңалықтар

Нұр-Сұлтан «сары аймаққа» қайта енді

Коронавирус • Бүгін, 10:41

Қазақстанда ломбардтар жабылады

Экономика • Бүгін, 10:30

Бүгін 1 наурыз – Алғыс айту күні

Руханият • Бүгін, 09:13

Бакуден ұшқан бұлбұл

Өнер • Бүгін, 06:57

Жұптық сында топ жарды

Спорт • Бүгін, 06:55

Жамбыл жылы жырлайды

Руханият • Бүгін, 06:53

Алты медальмен оралды

Спорт • Бүгін, 06:52

«Металлургпен» бақ сынайды

Спорт • Бүгін, 06:51

Алғыс гимні шырқалды

Аймақтар • Бүгін, 06:48

Жас балуандар белдесуі

Спорт • Бүгін, 06:46

Қысқы триатлон жарысы өтті

Спорт • Бүгін, 06:44

Кітап-адамдар

Әдебиет • Бүгін, 06:38

Ректор эталоны

Руханият • Бүгін, 06:36

Өзгеге ұқсамайтын өмір

Руханият • Бүгін, 06:34

Абыз ақынды Анадолы ұлықтады

Әдебиет • Бүгін, 06:33

Ұқсас жаңалықтар