Қоғам • 30 Қыркүйек, 2020

Қорғаныс министрлігінің спорт нысандары Ұлттық Олимпиада комитетінің аккредитациясына ие болды

12 рет көрсетілді

Спорт комитеті – Армия орталық спорт клубының спорт нысандарының сәйкестік сертификатын Қазақстан Ұлттық Олимпиада Комитетінің бас хатшысы Андрей Крюков Алматыда тапсырды, деп хабарлайды Egemen.kz.

Бұл АОСК балансында тұрған ареналарда оқу-жаттығу сабақтары мен жиындарды, республикалық және халықаралық спорттық жарыстарды өткізудің заңдылығын растайтын негізгі құжат болып табылады.

«Қазіргі уақытта Қазақстанның Ұлттық Олимпиада комитеті олимпиадалық спорт түрлері бойынша құрамалар жаттығатын спорттық базаларды аккредиттеуді жүргізуде. Біз мұны спортшыларымыз жақсы жағдайда дайындалуы үшін жаттығу сапасын бақылауды күшейту үшін жасаймыз. Еліміздің бас санитар дәрігері белгілеген спорт ұйымдарына қойылатын талаптардан басқа, коронавирусты жұқтыру қаупін азайтуға мүмкіндік беретін қосымша регламенттер әзірленді», – деді Андрей Крюков.

АОСК спорт нысандары – қазіргі заманауи дамыған инфрақұрылымы бар әмбебап кешендер. Мұнда әртүрлі спорт түрлерімен айналысу, спортшылардың тұруы мен тамақтануы, медициналық қызметтер көрсету және оңалту, оқу-жаттығу жиындары мен спорттық іс-шаралар өткізу үшін барлық қажетті жағдайлар жасалған.

Соңғы жаңалықтар

Амманға аттанды

Спорт • Кеше

Қадір түнінің қасиеті

Руханият • Кеше

Алматы қаласында жер сілкінді

Аймақтар • 06 Мамыр, 2021

Ұқсас жаңалықтар