Бүгін Үкімет отырысында Цифрлық даму, инновациялар және аэроғарыш өнеркәсібі министрі Бағдат Мусин 5G желісі еліміздің ірі үш қаласында қосылатынын мәлімдеді.
Бағдат Мусиннің айтуынша, 5G ұялы байланыс стандартын енгізу бойынша Нұр-Сұлтан, Алматы және Шымкент қалаларында 11 тестік сынақ жүргізілген.
Сондай-ақ ол тиісті жиілік диапазондары босатылып, әрі қарай операторларға тарату механизмі қарастырылғанын тілге тиек етті.
Осыған сәйкес Нұр-Сұлтан, Алматы, Шымкент қалаларында 5G желілері 2022 жылы іске қосылады. Ал облыстық орталықтарда 2025 жылға дейін жоспарланып отыр.
Еске сала кетейік, бүгінгі Үкімет отырысында Асқар Мамин жыл соңына дейін ауыл халқының 99%-ына кең жолақты интернет қолжетімді болатынын хабарлаған еді.
