Қоғам • 19 Қаңтар, 2021

Карантиндік шараларға 10 мыңнан аса полиция мен Ұлттық ұланның әскери қызметшілері жұмылдырылды

16 рет көрсетілді

Премьер-Министр Асқар Маминнің төрағалығымен өткен Үкімет отырысында Ішкі істер министрі Ерлан Тұрғымбаев министрліктің карантиндік және шектеу шараларын қамтамасыз ету бойынша денсаулық сақтау органдарына көмек көрсетуді жалғастырып жатқаны туралы баяндады, деп хабарлайды Egemen.kz.

Бас санитарлық дәрігерлердің қаулысына сәйкес еліміз бойынша 15 санитарлық (Алматы облысы – 9, Қостанай облысы – 4 және Ақтөбе облысы – 2) және 4 блок-бекет (Атырау облысы – 4) қойылған. Карантиндік іс-шараларға 10 мыңнан астам полиция мен Ұлттық ұланның әскери қызметшілері жұмылдырылған. 290 карантиндік объекті бақылауға алынған.

Сондай-ақ көлік объектілерінде санитарлық дәрігерлерге жолаушыларды фильтрациядан өткізуге жәрдемдесу қамтамасыз етіледі. Осы мақсатта еліміздің халықаралық әуежайларында 18 бақылау-қадағалау пункті, теміржол вокзалдарында 16 бақылау-қадағалау пункті орнатылды. Бұл объектілердегі күн сайынғы жолаушылар ағыны тиісінше 31 мың және 17 мың адамды құрайды: Нұр-Сұлтан қаласында тәулік сайын 10 мыңға дейін жолаушы, Алматыда тәулік сайын 20,5 мыңға дейін адам тіркеледі.

«Көлік объектілерінен 1 қаңтардан бері ПТР-анықтамасы жоқ 3200 азамат карантинге орналастырылды. Соңғы күндері тәулік сайын 150 адамға дейін карантинге орналастырылуда», – деді ІІМ басшысы.

Карантиндік шектеулердің сақталуын бақылау бойынша 1 мыңнан астам мобильді топтың қатысу жұмысы жалғасуда. Жыл басынан бері 9 мыңнан астам рейдтік іс-шара өткізілді. Карантинді бұзудың 773 фактісі анықталды, оның 77%-ы елеусіз, яғни маска, санитайзерлердің болмауы, әлеуметтік ара қашықтықты сақтауды бұзу. 175 өрескел бұзушылық анықталды, оның 152-сі түнгі клубтарда, сауда орталықтары мен мейрамханаларда, 23-і мерекелік іс-шаралара анықталды. Жыл басынан бері Түркістан облысында мобильді топтар бұзушылықтарды белсенді түрде анықтады, бұл ел бойынша анықталған бұзушылықтардың 458-ін  немесе  60%-ға жуығын құрайды. Сонымен қатар министр Е. Тұрғымбаев қазіргі уақытта «қызыл» аймаққа кірген облыстардағы топтардың жұмысының нашарлығын айтты.

«Аталған топтардың жұмыс белсенділігінің төмендеуіне байланысты, азаматтар адамдар көп жиналатын жерлерде маска режимін жиі бұза бастады. Сонымен қатар тұрғындар арасында вирустың қауіпсіздігі және вакциналардың тиімсіздігі туралы жалған ақпараттың таралу фактілері бар», – деді Ішкі істер министрі.

Осыған байланысты Ерлан Тұрғымбаев өңірлердің әкімдіктерімен және  бас санитарлық дәрігерлерімен бірлескен жұмыс аясында мобильді топтардың сауда орталықтарында, мәдени мекемелерде алдын алу жұмыстарына баса назар аударуын, сондай-ақ осы мекемелердің иелерімен шектеу шараларын бұзуға жол бермеу туралы қатаң түсіндіру жұмыстарын жүргізуді ұйымдастыруды ұсынды. Жалпы құқық қорғау ведомствосының басшысының айтуынша, ішкі істер органдары елімізде шектеу шараларын қамтамасыз ету және құқықтық тәртіпті сақтау бойынша барлық қажетті шараларды қабылдауда.

Соңғы жаңалықтар

Жеңіске жеткізген «Жұмыр қылыш»

Руханият • Бүгін, 08:18

«Наурыз-философия» нақыштары

Руханият • Бүгін, 08:17

Рейтингте жоғарылады

Спорт • Бүгін, 08:15

Шешуші кезең басталады

Спорт • Бүгін, 08:14

Карантин құрсауы сөгіле бастады

Аймақтар • Бүгін, 08:10

Залал көлемі – 1 млрд теңге

Экология • Бүгін, 08:08

Ұланнан шыққан ұлағат иесі

Қоғам • Бүгін, 08:00

Қазақ вальсінің королі

Театр • Бүгін, 07:56

Көксерек-ғұмыр

Руханият • Бүгін, 07:54

Текті термеші

Руханият • Бүгін, 07:53

Бір мың түп тал егілді

Аймақтар • Бүгін, 07:44

Адамнан адамның айырмасы

Руханият • Бүгін, 07:43

Марс неге маңызды?

Әлем • Бүгін, 07:39

Бүркітшілер байқауы

Аймақтар • Бүгін, 07:12

Малыңа абай бол, ағайын!

Аймақтар • Кеше

Ұқсас жаңалықтар