Аймақтар • 02 Ақпан, 2021

Батыс Қазақстанда 83 мұғалімнен коронавирус табылды

252 рет
көрсетілді
1 мин
оқу үшін

Батыс Қазақстан облысында жыл басынан бері 83 мұғалімнен коронавирус анықталды, деп хабарлайды Egemen.kz

Батыс Қазақстанда 83 мұғалімнен коронавирус табылды

Батыс Қазақстан облыстық Санитарлық-эпидемиялық бақылау департаменті баспасөз қызметінің хабарлауынша, 1 қаңтардан бері 139 оқушыдан вирус табылды.

Аумақтық бас мемлекеттік санитар дәрігерлерінің қаулысына сәйкес 28 мектепте 39 сынып карантинге жабылды. Коронавируспен ауырғандардың көпшілігі вирусты үй ошағында жұқтырған. Облыста кеше вакциналау басталып, облыс әкімінің орынбасары мен бас мемлекеттік санитар дәрігері алғашқылардың қатарында екпе салдырды.

Облыстық денсаулық сақтау басқармасының мәліметіне сәйкес өңірде 8 мыңдай медицина қызметкері, 23412 педагог, 39605 студент, жүрек-қан тамырлары жүйесі және тыныс органдары ауруларымен диспансерде тұратын 100926 адам, сондай-ақ медициналық-әлеуметтік мекемелердің 2471 қызметкері және жабық балалар ұйымдарының 156 маманы екпе салдыратын болады.